സിപിഐ എം പത്തനംതിട്ട ജില്ലാ സെക്രട്ടറിയായി കെ പി ഉദയഭാനുവിനെ ഐകകണ്‌ഠേന തെരഞ്ഞെടുത്തു. അടൂരില്‍ ചേര്‍ന്ന സമ്മേളനം 34 അംഗ ജില്ലാ കമ്മിറ്റിയെയയും തെരഞ്ഞെടുത്തു. തുടര്‍ച്ചയായി മൂന്നാം തവണയാണ് ഉദയഭാനു (64) സെക്രട്ടറിയാകുന്നത്.
അടൂര്‍ ഏനാദിമംഗലം കുറുമ്പുകര പുത്തന്‍വിളയില്‍ പരേതരായ പരമേശ്വരന്‍ ലക്ഷ്മി ദമ്പതികളുടെ മകനായ ഉദയഭാനു 1975ല്‍ കര്‍ഷകതൊഴിലാളി യൂണിയന്‍ ഏനാദിമംഗലം വില്ലേജ് സെക്രട്ടറിയായാണ് പൊതുപ്രവര്‍ത്തനം ആരംഭിക്കുന്നത്. ശൂരനാട് രക്തസാക്ഷി ദിനാചരണത്തില്‍ സൈക്കിള്‍ റാലിയില്‍പങ്കെടുത്തതിന് അടിയന്തരാവസ്ഥകാലത്ത് പൊലീസ് അറസ്റ്റ് ചെയ്ത് 3 മാസം ജയിലില്‍ അടച്ചു. ഭീകരമര്‍ദനത്തിന് ഇരയാക്കി.
1978ല്‍ കൊടുമണ്ണില്‍ നടന്ന മിച്ചഭൂമി സമരത്തില്‍ പങ്കെടുത്തതിനും ജയില്‍വാസം അനുഭവിച്ചിട്ടുണ്ട്. 1979ല്‍ 25-ാം വയസില്‍ വീട് ഉള്‍പ്പെടുന്ന വാര്‍ഡില്‍ മല്‍സരിച്ച് ജയിച്ചു. രണ്ടു തവണ ഏനാദിമംഗലം പഞ്ചായത്ത് പ്രസിഡന്റായി തെരഞ്ഞെടുക്കപ്പെട്ടു. സംസ്ഥാനത്തെ ഏറ്റവും പ്രായം കുറഞ്ഞ പഞ്ചായത്ത് പ്രസിഡന്റായിരുന്നു.983-ല്‍ പാര്‍ടി അടൂര്‍ ഏരിയാ കമ്മിറ്റി അംഗമായ ഉദയഭാനു 1997ല്‍ ജില്ലാകമ്മിറ്റിയംഗമായും തെരഞ്ഞെടുക്കപ്പെട്ടു. 2000ല്‍ പാര്‍ടി അടൂര്‍ ഏരിയാ സെക്രട്ടറിയായി ഒരു വര്‍ഷം പ്രവര്‍ത്തിച്ചു.
2002ല്‍ ജില്ലാ സെക്രട്ടറിയറ്റംഗമായി തെരഞ്ഞെടുക്കപ്പെട്ടു. 2008ല്‍ കെഎസ്‌കെടിയു ജില്ലാ സെക്രട്ടറിയായും സംസ്ഥാന കമ്മിറ്റിയംഗമായും പിന്നീട് അഖിലേന്ത്യ കമ്മിറ്റിയംഗമായും തെരഞ്ഞെടുക്കപ്പെട്ടു. അറുപത്തിമൂന്ന് വയസുകാരനായ ഉദയഭാനു അവിവാഹിതനാണ്.
പത്തനംതിട്ടയിൽ 34 അംഗ ജില്ലാ കമ്മിറ്റി; 5 പേർ പുതുമുഖങ്ങൾ, 4 വനിതകൾ
സിപിഐ എം പത്തനംതിട്ട സമ്മേളനം 34 അംഗ ജില്ലാ കമ്മിറ്റിയേയും പത്തംഗ ജില്ലാ സെക്രട്ടറിയേറ്റിനേയും തെരഞ്ഞെടുത്തു. കമ്മിറ്റിയിൽ 5 പേർ പുതുമുഖങ്ങളാണ്‌. 33 അംഗ കമ്മിറ്റി 34 ആയി ഉയർത്തി.കമ്മിറ്റിയിൽ 4 പേർ വനിതകളാണ്‌. പീലിപ്പോസ്‌ തോമസ്‌, വീണാ ജോർജ്‌, എസ്‌ മനോജ്‌, പി ബി സതീഷ്‌ കുമാർ, ലസിത ടീച്ചർ എന്നിവരാണ്‌ പുതുമുഖങ്ങൾ.
ജില്ലാ കമ്മിറ്റി അംഗങ്ങൾ
കെ പി ഉദയഭാനു. എ പത്‌മകുമാർ, രാജു എബ്രഹാം. പി ജെ അജയകുമാർ, റ്റി ഡി ബൈജു, ആർ സനൽകുമാർ, പി ബി ഷർഷകുമാർ, ഓമല്ലൂർ ശങ്കരൻ, എൻ സജികുമാർ, സക്കീർ ഹുസൈൻ, നിർമ്മലാ ദേവി, എം വി സന്ജു, കോമളം അനിരുദ്ധൻ, പി എസ്‌ മോഹനൻ, എസ്‌ ഹരിദാസ്‌, കെ യു ജനീഷ്‌കുമാർ, കെ മോഹൻകുമാർ, ആർ തുളസീധരൻപിള്ള, കെ കെ ശ്രീധരൻ, എ എൻ സലീം, സി രാധാകൃഷ്‌ണൻ, ഫ്രാൻസിസ്‌ വി ആൻറണി, ബാബു കോയിക്കലേത്ത്‌, കെ സി രാജഗോപാൽ, ആർ അജയകുമാർ, ശ്യാം ലാൽ, പി ആർ പ്രസാദ്‌, ബിനു വർഗീസ്‌, കെ കുമാരൻ, പീലിപ്പോസ്‌ തോമസ്‌, വീണാ ജോർജ്‌, എസ്‌ മനോജ്‌, പി ബി സതീഷ്‌ കുമാർ, ലസിത ടീച്ചർ.
ജില്ലാ സെക്രട്ടറിയേറ്റ്‌ അംഗങ്ങൾ
കെ പി ഉദയഭാനു. എ പത്‌മകുമാർ, രാജു എബ്രഹാം. പി ജെ അജയകുമാർ, റ്റി ഡി ബൈജു, ആർ സനൽകുമാർ, പി ബി ഹർഷകുമാർ, ഓമല്ലൂർ ശങ്കരൻ, നിർമ്മലാ ദേവി, പി ആർ പ്രസാദ്‌