ഒമിക്രോണിന് രോഗവ്യാപനതോത് മൂന്നിരട്ടി കൂടുതലെന്ന് കേന്ദ്ര സര്ക്കാര്. പ്രതിരോധ നടപടികള് ശക്തമാക്കുന്നതിന്റെ ഭാഗമായി വാര് റൂമുകള് തയ്യാറാക്കാന് കേന്ദ്ര സര്ക്കാര് സംസ്ഥാനങ്ങള്ക്ക് നിര്ദേശം നല്കി.പ്രാദേശിക തലത്തിലും ജില്ലാ അടിസ്ഥാനത്തിലും തയ്യാറെടുപ്പുകള് ക്രമീകരിക്കാനാണ് നിര്ദേശം.രോഗവ്യാപനം തടയാന് ആവശ്യമെങ്കില് നൈറ്റ് കര്ഫ്യൂ, ആള്ക്കൂട്ടം ഉണ്ടാകുന്ന പരിപാടികളുടെ നിയന്ത്രണം, ഓഫീസുകളിലെ ഹാജർ ക്രമീകരണം, പൊതുഗതാഗത സംവിധാനങ്ങളിലെ യാത്രക്കാരുടെ നിയന്ത്രണം എന്നിവയും ക്രമീകരിക്കാനും നിര്ദേശമുണ്ട്. ആശുപത്രികളില് ആവശ്യത്തിന് കിടക്കകള് തയ്യാറാക്കാനും ആംബുലന്സ്, ഓക്സിജന് ലഭ്യത എന്നിവ ഉറപ്പുവരുത്താനും നിര്ദേശത്തില് വ്യക്തമാക്കുന്നു.വാക്സിനേഷന് വേഗത്തില് പൂര്ത്തിയാക്കാനും സംസ്ഥാനങ്ങളോട് കേന്ദ്രം ആവശ്യപ്പെട്ടിട്ടുണ്ട്