പോപ്പുലർ ഫിനാൻസിൽ പണം നിക്ഷേപിച്ച് തട്ടിപ്പിനിരയായ നിക്ഷേപകരുടെ യോഗം ഇന്ന് വൈകീട്ട് 3 മണിയ്ക്ക് പത്തനംതിട്ട റോയൽ ആഡിറ്റോറിയത്തിൽ ബി.ജെ.പി. സംസ്ഥാന അധ്യക്ഷൻ കെ.സുരേന്ദ്രൻ ഉദ്ഘാടനം ചെയ്യുമെന്ന് പോപ്പുലർ ഇൻവെസ്റ്റേഴ്സ് ആക്ഷൻ കൗൺസിൽ ഭാരവാഹികൾ അറിയിച്ചു .അന്വേഷണ ചുമതലയുള്ള കോന്നി എസ്.എച്ച്.ഒ.യെ മാറ്റിയതിന്റെ ഉദ്ദേശ്യം സംശയാസ്പദമാണ്. കേസിന്റെ തുടക്കം മുതൽ അന്വേഷണത്തിൽ മുന്നിൽനിന്ന ഇദ്ദേഹത്തെ കേസ് സി.ബി.ഐ .യ്ക്ക് കൈമാറുന്നതിന് മുമ്പ് മാറ്റിയത് സംശയാസ്പദമാണ്.പത്രസമ്മേളനത്തിൽ രക്ഷാധികാരി സി.എസ്.നായർ, വിളയിൽ തോമസ്, സജീവൻ ഊന്നുകല്ല് എന്നിവർ പങ്കെടുത്തു.