കോന്നിയിലെ വീടുകളില് കെ എസ് ഇ ബി യുടെ മീറ്റര് റീഡിംഗ് എടുക്കാന് പോയാല് പട്ടി കടിക്കും : ഇന്നും കോന്നിയില് കടിച്ചു രണ്ടു ജീവനക്കാരെ
konnivartha.com : വീട്ടില് വളര്ത്തുന്ന പട്ടികളെ പേടിച്ചു കെ എസ് ഇ ബി യുടെ മീറ്റര് റീഡിംഗ് എടുക്കാന് കഴിയാത്ത അവസ്ഥ ഉണ്ടെങ്കില് അത് കോന്നിയില് ആണ് . കെ എസ് ഇ ബി യുടെ മീറ്റര് റീഡിംഗ് എടുക്കാന് ചെന്ന രണ്ടു പേരെ ആണ് ഇന്ന് വീട്ടിലെ പട്ടികള് ആക്രമിച്ചത് . കോന്നി വൈദ്യുത സെക്ഷനിലെ മീറ്റര് റീഡിംഗ് എടുക്കുന്ന ശ്രീകാന്ത് , പ്രദീപ് കുമാര് എന്നിവര്ക്ക് ആണ് വളര്ത്തു നായ്ക്കളുടെ കടി കിട്ടിയത് .
കൊന്നപ്പാറ പുതു ചിറയിലെ വീട്ടില് മീറ്റര് റീഡിംഗ് എടുക്കാന് ചെന്നപ്പോള് കൂട്ടില് കിടന്ന നായ ഓടിയെത്തി ശ്രീകാന്തിനെ ആക്രമിച്ചു . പരിക്ക് പറ്റിയ ശ്രീകാന്തിനെ പത്തനംതിട്ട ജനറല് ആശുപത്രിയില് പ്രവേശിപ്പിച്ചു . അട്ടച്ചാക്കല് കൈതകുന്നു ഭാഗത്തെ വീട്ടില് വെച്ചാണ് പ്രദീപ് കുമാറിന് വളര്ത്തു നായയുടെ കടി കിട്ടിയത് . കോന്നി താലൂക്ക് ആശുപത്രിയില് ചികിത്സതേടി . ഏതാനും ദിവസം മുന്നേ പത്തനംതിട്ടയില് മീറ്റര് റീഡ് എടുക്കുന്നതിനു ഇടയില് അനീഷിനെയും വളര്ത്തു നായ കടിച്ചു . മീറ്റര് റീഡ് എടുക്കാന് കഴിയാത്ത അവസ്ഥയിലാണ് ജീവനക്കാര് . വളര്ത്തു നായ്ക്കളെ വീടുകളില് സുരക്ഷിതമായി കെട്ടി ഇട്ടു വളര്ത്തണം എന്നാണ് ആവശ്യം .