സിബിഎസ്ഇ 12-ാം ക്ലാസ് പരീക്ഷാ ഫലം ഞായറാഴ്ച പ്രഖ്യാപിക്കും. ഈ വർഷം 10,98,891 വിദ്യാർഥികളാണ് ഫലം കാത്തിരിക്കുന്നത്. 10,678 സ്കൂളുകളിൽനിന്നാണ് 11 ലക്ഷം വിദ്യാർഥികൾ പരീക്ഷയ്ക്കിരുന്നത്. 10 റീജിയണുകളിൽ ഏറ്റവും കൂടുതൽ വിദ്യാർഥികളെ (2,58,321) പരീക്ഷയ്ക്കിരുത്തിയത് ഡൽഹിയായിരുന്നു.
പന്ത്രണ്ടാം ക്ലാസിൽ മോഡറേഷൻ നൽകെണ്ടെന്ന തീരുമാനം നടപ്പാക്കുന്നത് ഡൽഹി ഹൈക്കോടതി തടഞ്ഞിരുന്നു. അതിനാൽ ഇത്തവണത്തെ ഫലം പ്രഖ്യാപനം വൈകുമെന്ന് ആശങ്ക നിലനിന്നിരുന്നു. ഡൽഹി ഹൈക്കോടതി വിധിക്കെതിരെ സുപ്രീം കോടതിയെ സമീപിക്കേണ്ടെന്ന് സിബിഎസ്ഇ തീരുമാനിച്ചതോടെയാണ് ആശങ്കകൾ ഒഴിഞ്ഞത്. ഹൈക്കോടതി വിധി ഈ വർഷം നപ്പാക്കുമെന്നു സിബിഎസ്ഇ അറിയിച്ചു.