സംസ്ഥാനത്തെ കോവിഡ് വാക്സിന് സ്റ്റോക്കു തീര്‍ന്നു : ആരോഗ്യവകുപ്പ് മന്ത്രി
konnivartha.com : സംസ്ഥാനത്തെ കോവിഡ് വാക്സിന് സ്റ്റോക്കു തീര്‍ന്നതായി ആരോഗ്യമന്ത്രി വീണാ ജോര്‍ജ് . തിരുവനന്തപുരം ഉള്‍പ്പടെയുള്ള പല ജില്ലകളിലും വാക്സിന് ഇല്ല. പല ജില്ലകളിലും നാളെ വാക്സിന് വിതരണം ഉണ്ടാകില്ലെന്നും മന്ത്രി അറിയിച്ചു.
സംസ്ഥാനം കടുത്ത വാക്സിന് ക്ഷാമത്തിലൂടെയാണ് കടന്ന് പോകുന്നത്. ചൊവ്വാഴ്ച വിതരണം ചെയ്യാനുള്ളത് വളരെ ചെറിയ എണ്ണം ഡോസ് മാത്രമാണ്. പല ജില്ലകളിലും ലഭിച്ച വാക്സിന് പൂർണ്ണമായി വിതരണം ചെയ്തു കഴിഞ്ഞു.നമ്മുടെ ആരോഗ്യ പ്രവർത്തകരുടെ ജാഗ്രതയെ തുടർന്ന് വാക്സിൻ അല്പം പോലും പാഴാക്കാതെ വിതരണം പുരോഗമിക്കുന്നത്.
സംസ്ഥാനത്തിന് നല്‍കിയ 1.66 കോടി ഡോസിൽ നിന്നും 1.87 കോടിയോളം പേര്‍ക്ക് വാക്സിന് നല്‍കാന്‍ നമുക്ക് സാധിച്ചു. 45 വയസിന് മുകളിലുള്ളവര്‍ക്ക് 76 ശതമാനം ആളുകള്‍ക്ക് ആദ്യഡോസ് വാക്‌സിനും 35 ശതമാനം ആളുകള്‍ക്ക് രണ്ടാം ഡോസും നില്‍കിയിട്ടുണ്ട്.
ഒരു ദിവസം നാലരലക്ഷത്തിലധികം ഡോസുകള്‍ വിതരണം ചെയ്ത് ചരിത്രം സൃഷ്ടിച്ച സംസ്ഥാന സര്‍ക്കാരിന് വലിയ വെല്ലുവിളിയാണ് നിലവിലെ വാക്സിന് ക്ഷാമം .വാക്സിന് ലഭ്യമാക്കാന്‍ കേന്ദ്ര സര്‍ക്കാരിനോട് നിരന്തരം അഭ്യര്‍ത്ഥിച്ചു വരികയാണ്. വാക്സിന് വിതരണം സംബന്ധിച്ച് കേന്ദ്രമന്ത്രിയുടെ പ്രസ്താവന ശ്രദ്ധയില്‍പ്പെട്ടിരുന്നു. കേരളത്തിന് വാക്സിന് ലഭ്യമാക്കേണ്ടവര്‍ തന്നെ ഇങ്ങനെ പറയുന്നതില്‍ നിര്‍ഭാഗ്യകരമാണ്. കേരളത്തില്‍ വളരെ സുതാര്യമായാണ് വാക്സിന് വിതരണം നടത്തുന്നത്. കേന്ദ്ര സര്‍ക്കാരിന്റെ കോവിന്‍ പോര്‍ട്ടലില്‍ നിന്നും ആര്‍ക്കും മനസിലാക്കാവുന്നതാണ്. അദ്ദേഹത്തോട് അഭ്യര്‍ത്ഥിക്കാനുള്ളത് ആവശ്യത്തിനനുസരിച്ച് കേരളത്തിന് വാക്സിന് നല്‍കണമെന്നാണ്. വാക്സിന് എല്ലാവര്‍ക്കും അവകാശപ്പെട്ടതാണ്. കേന്ദ്രം വാക്സിന് നല്‍കുന്ന മുറയ്ക്ക് എല്ലാവര്‍ക്കും ലഭ്യമാക്കാൻ നടപടി സ്വീകരിക്കും എന്നും ആരോഗ്യവകുപ്പ് മന്ത്രി പറഞ്ഞു .