അപ്രതീക്ഷിത ഉരുള് ദുരന്തത്തില് ഉയിര്ത്തെഴുന്നേറ്റ് വെള്ളാര്മല-മുണ്ടക്കൈ സ്കൂളുകള്. അധ്യയന വര്ഷവസാനം മധ്യവേനലിലേക്ക് പ്രവേശിക്കുമ്പോള് വിദ്യാര്ത്ഥികള് സന്തോഷത്തിലാണ്. ദുരന്തം തകര്ത്ത സ്കൂളിന്റെ നേര്ത്ത ഓര്മകളാണ് വിദ്യാര്ത്ഥികളില്. വെള്ളാര്മല ജി.വി.എച്ച്.എസ് സ്കൂളിലെ 530 വിദ്യാര്ഥികള്ക്കും മുണ്ടക്കൈ ജി.എല്.പി സ്കൂളിലെ 81 കുട്ടികള്ക്കുമായി മേപ്പാടി ജി.എച്ച്.എസ്.എസ് സ്കൂളിലും മേപ്പാടി ഗ്രാമപഞ്ചായത്ത് എ.പി.ജെ ഹാളിലുമാണ് പഠനസൗകര്യങ്ങള് ഒരുക്കിയത്. 2024 സെപ്റ്റംബര് രണ്ടിന് പുന:പ്രവേശനോത്സവം നടത്തി. സ്കൂളിന് അധിക സൗകര്യം ഉറപ്പാക്കുന്നതിന്റെ ഭാഗമായി ബില്ഡിംഗ് കോണ്ട്രാക്ടേഴ്സ് അസോസിയേഷന്റെ സഹകരണത്തോടെ മേപ്പാടി ഗവ. ഹയര്സെക്കന്ഡറി സ്കൂളിലെ ഡൈനിങ്ങ് ഹാളിനോട് ചേര്ന്ന് മൂന്ന് കോടി ചെലവില് രണ്ട് നിലകളിലായി അത്യാധുനിക രീതിയില് 8 ക്ലാസ് മുറികളും അനുബന്ധ സൗകര്യങ്ങളും സ്കൂളില് ഒരുക്കി. ദുരന്ത ബാധിത പ്രദേശത്തെ സ്കൂള്-കോളേജ് വിദ്യാര്ത്ഥികള്ക്ക് 250 ലാപ്ടോപ്പുകള് നല്കാന് പ്രത്യേക പരിഗണന ഉറപ്പാക്കുന്നുണ്ട്. ചൂരല്മല സ്പെഷല് സെല്, കുടുംബശ്രീ മിഷന്റെ മൈക്രോ…
Read Moreഉയിര്ത്തെഴുന്നേറ്റ് വെള്ളാര്മല-മുണ്ടക്കൈ സ്കൂളുകള്
