“ജവാന് ” വീര്യം കൂടി : വിൽപ്പന മരവിപ്പിച്ചു

സർക്കാരിന് കീഴിലുള്ള ട്രാവൻകൂർ ഷുഗേഴ്സ് ആൻഡ് കെമിക്കൽസ് നിർമിക്കുന്ന ജവാൻ മദ്യത്തിലെ ആൽക്കഹോളിന്റെ അളവ് കൂടിയതിനെ തുടർന്ന് വിൽപ്പന മരവിപ്പിച്ചു.245, 246, 247 എന്നീ മൂന്ന് ബാച്ച് നമ്പറുകളിലുള്ള ജവാൻ മദ്യത്തിന്റെ വിൽപ്പനയാണ് മരവിപ്പിച്ചത്.സ്വകാര്യ ബാറിൽ നിന്ന് ഈ മദ്യം കഴിച്ചവർക്ക് ശാരീരിക അസ്വസ്ഥതകൾ അനുഭവപ്പെട്ടതിനെ തുടർന്ന് എക്സൈസ് വകുപ്പിന് പരാതി നൽകിയിരുന്നു.മദ്യത്തിന്റെ വീര്യം അനുവദനീയമായതിലും കൂടുതലുള്ളതായി കണ്ടെത്തി. സാംപിൾ പരിശോധനയിൽ മദ്യത്തിന്റെ വീര്യം 39.09% v/v, 38.31% v/v, 39.14% v/v ആണെന്ന് കണ്ടെത്തിയതിന് പിന്നാലെയാണ് 245, 246, 247 എന്നീ ബാച്ചുകളിലെ മദ്യത്തിന്റെ വിൽപന മരവിപ്പിച്ചത്.