konnivartha.com: കോന്നിയിലെ വ്യാപാരികളുടെ ലൈസന്‍സ് ഫീസ്‌ , തൊഴില്‍ക്കരം എന്നിവ സംബന്ധിച്ച് വ്യാപാരികളും കോന്നി പഞ്ചായത്ത് അധികാരികളും തമ്മില്‍ നടത്തിയ ചര്‍ച്ചയില്‍ ഉണ്ടായ തീരുമാനം നടപ്പായില്ല . തീരുമാനം എടുത്തു എങ്കിലും ഘടക വിരുദ്ധമായ പ്രസ്താവന ആണ് പഞ്ചായത്ത് ഭാഗത്ത്‌ നിന്നും ഉണ്ടായത് എന്ന് വ്യാപാരി സമിതി ആരോപിക്കുന്നു .
പഞ്ചായത്ത് അധ്യക്ഷ അനി സാബു പറഞ്ഞ കാര്യങ്ങള്‍ നടപ്പിലാക്കുന്നില്ല എന്നാണ് ആക്ഷേപം . വ്യാപാരികളില്‍ നിന്നും പതിന്മടങ്ങ്‌ ഫീസ്‌ ആണ് ഈടാക്കുന്നത് . സര്‍ക്കാരിന്‍റെ അനുമതി ഇതിനു ഇല്ല . പഞ്ചായത്ത് സ്വന്തമായി ആണ് ഈ ഭീമമായ പിരിവു ഈടാക്കുന്നത് എന്ന് വ്യാപാരി സമിതി ആരോപിക്കുന്നു . അധ്യക്ഷ അനി സാബു ,സെക്ഷന്‍ ക്ലാര്‍ക്ക് എന്നിവരുടെ തന്നിഷ്ടം ആണ് പഞ്ചായത്തില്‍ നടക്കുന്നത് എന്നാണ് വ്യാപാരി സമിതിയുടെ ആരോപണം .
വ്യാപാരികളെ കരിവാരി തേക്കാന്‍ ഉള്ള പഞ്ചായത്ത് അധികാരികളുടെ നടപടി ഉടനടി പിന്‍ വലിക്കണം എന്നും വ്യാപാരി വ്യവസായി സമിതി ആവശ്യം ഉന്നയിച്ചു .ഇല്ലെങ്കില്‍ പഞ്ചായത്തിന് മുന്നില്‍ ശക്തമായ സമര പരിപാടികള്‍ ഉണ്ടാകും എന്നും വ്യാപാരികള്‍ അറിയിച്ചു
