കോന്നി ബ്ലോക്ക് പ്രസിഡന്‍റ് ജിജി സജിയ്ക്ക് എൽ ഡി എഫ് നേതൃത്വത്തിൽ സ്വീകരണം നൽകി
കോന്നി വാര്‍ത്ത ഡോട്ട് കോം : കോന്നി ബ്ലോക്ക് പഞ്ചായത്ത് പ്രസിഡൻ്റ് തെരെഞ്ഞെടുപ്പ് എൽഡിഎഫിന് ജയം .എൽ ഡി എഫിലെ ജിജി സജി യു ഡി എഫിലെ എം വി അമ്പിളിയെ പരാജയപ്പെടുത്തി. ജിജി സജിക്ക് 7 വോട്ടും അമ്പിളിക്ക് 6 വോട്ടുമാണ് ലഭിച്ചത്.ജൂലൈ 28ന് പ്രസിഡൻ്റായിരുന്ന എംവി അമ്പിളിക്കെതിരെ എൽ ഡി എഫ് കൊണ്ടുവന്ന അവിശ്വാസം വിജയിക്കുകയും പ്രസിഡൻ്റ് പുറത്താവുകയും ചെയ്തു. യു ഡി എഫിനൊപ്പമായിരുന്ന ജിജി സജി എൽ ഡി എഫ് അവിശ്വാസത്തെ പിന്തുണച്ചു. തുടർന്ന് വൈസ് പ്രസിഡൻ്റിനെതിരെ എൽ ഡി എഫ് കൊണ്ടുവന്ന അവിശ്വാസവും വിജയിച്ചിരുന്നു.പ്രസിഡൻ്റായി തെരെഞ്ഞെടുക്കപ്പെട്ട ജിജി സജിയ്ക്ക് എൽ ഡി എഫ് നേതൃത്വത്തിൽ സ്വീകരണം നൽകി
സി പി ഐ എം ഏരിയ സെക്രട്ടറി ശ്യാംലാൽ, സി പി ഐ മണ്ഡലം സെക്രട്ടറി പി ആർ ഗോപിനാഥൻ, സി പി ഐ എം ഏരിയ കമ്മിറ്റി അംഗങ്ങളായ പി എസ് ക്യഷ്ണകുമാർ ,കെ ആർ ജയൻ, എം അനീഷ് കുമാർ, സി പി ഐ നേതാക്കളായ എ ദീപു കുമാർ, കെ രാജേഷ്, ബ്ലോക്ക് പഞ്ചായത്തംഗങ്ങളായ തുളസി മണിയമ്മ, വർഗ്ഗീസ് ബേബി, സുജാത അനിൽ ,പ്രസന്ന രാജൻ, രാഹുൽ വെട്ടൂർ, നീതു ചാർളി എന്നിവർ സന്നിഹിതരായി