കോന്നി വാര്‍ത്ത ഡോട്ട് കോം : ഇന്നലെ രാത്രിയില്‍ വി കോട്ടയം എന്‍ എസ്സ് എസ്സ് കരയോഗത്തിന് സമീപം നിയന്ത്രണം വിട്ട കാര്‍ ഇടിച്ചു ഗുരുതരമായി പരിക്ക് പറ്റി കോട്ടയം മെഡിക്കല്‍ കോളേജ് ആശുപത്രിയില്‍ ചികില്‍സയിലായിരുന്ന കാല്‍നടയാത്രക്കാരന്‍ മരിച്ചു . വി കോട്ടയം കമുകും പള്ളിയില്‍ രാജു (55 ) ആണ് മരിച്ചത് .
ഇന്നലെ രാത്രി 8 മണി കഴിഞ്ഞപ്പോള്‍ ആണ് സംഭവം .
വള്ളിക്കോട് ഭാഗത്തേക്ക് പോവുകയായിരുന്ന കാര്‍ നിയന്ത്രണം വിട്ട് രാജുവിനെ ഇടിച്ചു തെറിപ്പിച്ചു . കെ എസ് ഇ ബി പോസ്റ്റില്‍ ഇടിച്ചാണ് കാര്‍ നിന്നത് . വള്ളിക്കോട് നിവാസിയാണ് കാര്‍ ഓടിച്ചത് .ഇവര്‍ക്ക് പരിക്കില്ല . ഇടിയുടെ ആഘാതത്തില്‍ ദൂരേക്ക് തെറിച്ചു വീണ രാജുവിനെ നാട്ടുകാര്‍ ചേര്‍ന്നാണ് ആശുപത്രിയില്‍ പ്രവേശിപ്പിച്ചത് .പരിക്ക് ഗുരുതരമായതിനാല്‍ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു . ചികില്‍സയിലിരിക്കെ ആണ് മരണം സംഭവിച്ചത് .