ക്രഷറില്‍ ജോലി വേണം …. ക്രഷര്‍ മാഫിയായുടെ ബാനര്‍ തൂക്കി . ജനം ഉണരുക

ക്രഷറില്‍ ജോലി വേണം …. ക്രഷര്‍ മാഫിയായുടെ ബാനര്‍ തൂക്കി . ജനം ഉണരുക .
കോന്നി : അരുവാപ്പുലം പഞ്ചായത്തിലെ ആറാം വാര്‍ഡില്‍ താമരപ്പള്ളിയില്‍ പുതിയ ക്രഷര്‍ നീക്കത്തിന് എതിരെ ജനകീയ പ്രക്ഷോഭം ഉണ്ടായതോടെ ക്രഷര്‍ മാഫിയാ പുതിയ തന്ത്രവുമായി രംഗത്ത് . ക്രഷര്‍ വരണമെന്നും ഇവിടെ നാട്ടുകാര്‍ക്ക് ജോലി വേണം എന്നുള്ള തരത്തില്‍ ഒന്നിലേറെ ബാനര്‍ കെട്ടി . വാര്‍ഡിലെ ഏത് യൂണിയനാണ് തീരുമാനം എടുത്തതെന്ന് അറിയുവാന്‍ ജനം ആഗ്രഹിക്കുന്നു .അത്തരത്തില്‍ യൂണിയനുകള്‍ നിലപാട് സ്വീകരിച്ചതായി വിവരം ഇല്ല . ഈ ബാനര്‍ ജനം അഴിച്ചു നീക്കണം . താമരപ്പള്ളിയില്‍ പുതിയ ക്രഷര്‍ യൂണിറ്റിനുള്ള നീക്കം തുടക്കത്തിലെ തടയുക . ഇല്ലെങ്കില്‍ നാളെ ഈ നാട് പൊടിപടലം കൊണ്ട് മൂടുകയും മാറാ രോഗങ്ങള്‍കൊണ്ടു കുഞ്ഞുങ്ങള്‍ വലയുകയും നാട് കൊടും ജലക്ഷാമത്തില്‍ ആഴുകയും ചെയ്യും . ഇനിയും ഇതേപോലുള്ള ബാനറുകള്‍ ഉയരും . നാടിന് ഈ ക്രഷര്‍ വേണ്ട . ഒരുപറ്റം രാഷ്ട്രീയക്കാരും , സര്‍ക്കാര്‍ ജീവനക്കാരും ക്രഷര്‍ മാഫിയായ്ക്ക് കൂട്ട് നില്‍ക്കുന്നു . ശക്തമായ ജനകീയ സമരം ഉണ്ടാകേണ്ടിയിരിക്കുന്നു . ക്രഷര്‍ മാഫിയായ്ക്ക് കൂട്ടുനില്‍ക്കുന്ന എറാന്‍ മൂളികളെ ഒറ്റപ്പെടുത്തണം . കുളത്തുമണ്‍ , താമരപ്പള്ളി നിവാസികള്‍ അണിനിരക്കുക്ക. കൊല്ലം ജില്ലകാരനായ ക്രഷര്‍ മുതലാളിയെ ഈ നാട്ടില്‍ പുതിയ ക്രഷര്‍ തുടങ്ങുന്നതില്‍ നിന്നും വിലക്കുക . ഈ നാട്ടിലെ ജനം സ്വസ്ഥമായി ജീവിച്ചോട്ടെ