പത്തനംതിട്ട ജില്ലാ പഞ്ചായത്തില്‍ ഇപ്പോള്‍ ഒരു തര്‍ക്കം നടക്കുന്നു .അണ്ടിയാണോ മൂത്തത് അതോ പഴമോ .ഏതു മൂത്താലും പണം പാഴാകും .
പത്തനംതിട്ട ജില്ലാ പഞ്ചായത്തില്‍ ഒരു തൈ നടീല്‍ കര്‍മ്മം നടത്തുന്നു .കശുമാവ് നട്ട് ജില്ലയെ അണ്ടികളുടെ നാട് ആക്കുവാന്‍ കോടികള്‍ ചെലവ് അഴിക്കുവാന്‍ പദ്ധതി .ഭരണ പക്ഷത്തെ ചിലരും പ്രതിപക്ഷവും എതിര്‍പ്പുമായി രംഗത്ത് എത്തുമ്പോള്‍ ഈ തൈകള്‍ വളര്‍ന്നാലും ഇല്ലെങ്കിലും കോടികളുടെ അഴിമതിക്ക് വളം ആകും .
കഴിഞ്ഞ ഭരണസമിതി യുടെ കാലത്ത് “ഈ” മൂത്ര പുരകള്‍ ഉണ്ടാക്കി കോടികള്‍ പാഴാക്കി .ഒറ്റ മൂത്ര പുരയും ഇപ്പോള്‍ പ്രവര്‍ത്തിക്കുന്നില്ല .കോടികള്‍ പാഴാക്കിയപ്പോള്‍ പ്രതിക്ഷേധം ഉണ്ടാക്കിയവര്‍ ചെയ്ത ചില അഴിമതികള്‍ പുറത്തു വരും എന്ന ഘടം വന്നപ്പോള്‍ ചിലരുടെ അടിയിലൂടെ മൂത്രം പോയി എന്ന് അസൂയക്കാര്‍ പറഞ്ഞു
ഇപ്പോള്‍ കശുമാവിന്‍ തൈകള്‍ നടാന്‍ ഉള്ള പദ്ധതി കിളി ര്‍പ്പിക്കാന്‍ കോടികള്‍ വക മാറ്റുന്നു .ഒരു സര്‍ക്കാര്‍ വകുപ്പും തൈകള്‍ വിതരണം ചെയ്യുന്നില്ല .ചെയ്യുന്നത് സ്വകാര്യ ആളുകള്‍ ആണ് .ഇവരുടെ കൈകളില്‍ ഈ തുക പോകും .
പത്തനംതിട്ട ജില്ല കശുമാവിന്‍ തോട്ടം കൊണ്ട് നിറയ്ക്കുവാനും അതില്‍ നിന്നുള്ള അണ്ടികള്‍ പറിച്ചും പഴത്തില്‍ നിന്ന് മൂല്യവസ്തുക്കള്‍ ഉണ്ടാക്കാനും കാലം കുറെ പിടിക്കും .അപ്പോള്‍ പുതിയ പദ്ധതികള്‍ പുതിയ ഭരണക്കാര്‍ കൊണ്ട് വരും .പഴവും അണ്ടിയും പോയ അണ്ണാനെ പോലെ പാവം ജനം മാത്രം സ്വയം നെടുവീര്‍പ്പില്‍ ആശ്വാസം കാണും .