konnivartha.com : പ്രവചനാതീതമായ കനത്ത മഴ ദുരന്തമായെന്നും ഓണക്കാലത്തെ കച്ചവടം പ്രതീക്ഷിച്ച് വ്യാപാരികള് സംഭരിച്ച് വച്ചിരുന്ന സാധനങ്ങള് നശിച്ച് ലക്ഷക്കണക്കിന് രൂപയുടെ നഷ്ടമാണുണ്ടായതെന്നും അഡ്വ. പ്രമോദ് നാരായണ് എംഎല്എ പറഞ്ഞു. കനത്തമഴയില് നാശനഷ്ടമുണ്ടായ ചുങ്കപ്പാറയിലെ വ്യാപാര സ്ഥാപനങ്ങളും വെണ്ണിക്കുളം സെന്റ് ബെഹനാന്സ് സ്കൂളും ജില്ലാ കളക്ടര് ഡോ. ദിവ്യ എസ് അയ്യര്ക്കൊപ്പം സന്ദര്ശിച്ച് വിലയിരുത്തിയ ശേഷം സംസാരിക്കുകയായിരുന്നു അദ്ദേഹം. ചുങ്കപ്പാറ ടൗണിലെ അന്പതോളം വ്യാപാരസ്ഥാപനങ്ങളാണ് അപ്രതീക്ഷിതമായുണ്ടായ വെള്ളപ്പൊക്കത്തില് നശിച്ചത്. മണിമലയാറ്റില് നിന്ന് മാത്രമല്ല, തോട്ടില് നിന്നും വെള്ളം ഇരച്ചുകയറുകയായിരുന്നു. വ്യാപാരികളില് മൂന്ന് പേര്ക്ക് മാത്രമാണ് ഇന്ഷുറന്സുള്ളത്. അതുകൊണ്ട് തന്നെ വ്യാപാരികള്ക്ക് സംഭവിച്ച നാശനഷ്ടങ്ങള് സംസ്ഥാന മന്ത്രിസഭയുടെ പരിഗണനയിലേക്ക് കൊണ്ടുവരാന് ആരോഗ്യമന്ത്രിയുടെ നേതൃത്വത്തില് ചേര്ന്ന ജില്ലാതല അവലോകനസമിതി തീരുമാനിച്ചിട്ടുണ്ട്. കൂടാതെ മുഖ്യമന്ത്രിയുടേയും റവന്യുമന്ത്രിയുടേയും പ്രത്യേക ശ്രദ്ധയിലും ഇക്കാര്യം പെടുത്തും. എഴുമറ്റൂരിലുണ്ടായ മണ്ണിടിച്ചിലില് വീടുകള് അപകടാവസ്ഥയിലാണ്. വെണ്ണിക്കുളം സെന്റ്…
Read Moreവ്യാപാരികള്ക്കുണ്ടായത് വലിയ നാശനഷ്ടം: അഡ്വ. പ്രമോദ് നാരായണ് എംഎല്എ
