തങ്ക അങ്കിക്ക് സന്നിധാനത്ത് ഭക്തിനിര്ഭരമായ വരവേല്പ്പ് ശബരിമല: ശരണമന്ത്രങ്ങള് മുഴങ്ങി നിന്ന സായംസന്ധ്യയില് ശബരീശന് തങ്ക അങ്കി ചാര്ത്തി ദീപാരാധന. മണ്ഡല ഉത്സവത്തിന് സമാപനം കുറിച്ചുകൊണ്ട് തങ്ക അങ്കി ചാര്ത്തിയുള്ള മണ്ഡലപൂജ ഇന്ന് (ഡിസംബര് 27) ഉച്ചയ്ക്കു നടക്കും. മണ്ഡലപൂജയ്ക്കു മുന്നോടിയായി ആറന്മുള പാര്ഥസാരഥി ക്ഷേത്രത്തില്നിന്നും ഘോഷയാത്രയായി എത്തിച്ച തങ്ക അങ്കിക്ക്് സന്നിധാനത്തു ഭക്തിനിര്ഭരമായ വരവേല്പ്പ് നല്കി. തിരുവിതാംകൂര് മഹാരാജാവായിരുന്ന ശ്രീ ചിത്തിരതിരുനാള് ബാലരാമവര്മയാണ് മണ്ഡലപൂജയ്ക്കു ചാര്ത്തുന്നതിനുള്ള 450 പവന് തൂക്കമുള്ള തങ്ക അങ്കി 1973ല്് നടയ്ക്കു വച്ചത്. ഉച്ചയോടെ പമ്പയിലെത്തിയ തങ്ക അങ്കി ഘോഷയാത്ര മൂന്നുമണിയോടെ സന്നിധാനത്തേയ്ക്കു തിരിച്ചു. വൈകിട്ട് 5.20ന് പോലീസ് അസിസ്റ്റന്റ് സ്പെഷല് ഓഫീസര് പി. നിഥിന്രാജ്, ദേവസ്വം എക്സിക്യൂട്ടീവ് ഓഫീസര് എച്ച്. കൃഷ്ണകുമാര്, അസിസ്റ്റന്റ് എക്സിക്യൂട്ടീവ് ഓഫീസര് എം. രവികുമാര്, അഡ്മിനിസ്ട്രേറ്റീവ് ഓഫീസര് പി.എസ്. ശാന്തകുമാര്, സോപാനം സ്പെഷല് ഓഫീസര് സുനില്കുമാര്,…
Read Moreശബരിമല വാര്ത്തകള് / വിശേഷങ്ങള് ( 27/12/2022)
