konnivartha.com : കോന്നി ഗവ. മെഡിക്കല് കോളജില് പി ജി കോഴ്സ് ആരംഭിക്കുന്നതിന് നടപടി സ്വീകരിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. കോന്നി ഗവ. മെഡിക്കല് കോളേജിലെ ആദ്യ ബാച്ച് എംബിബിഎസ് വിദ്യാര്ഥികളുടെ പ്രവേശനോത്സവത്തില് സംസാരിക്കുകയായിരുന്നു മന്ത്രി. ആദ്യ ബാച്ചിന്റെ പ്രവേശനോത്സവം വിദ്യാര്ഥികളുടെയും നാടിന്റെയും സ്വപ്ന സാഫല്യമാണ്. ഈ വര്ഷം എംബിബിഎസ് ക്ലാസ് ആരംഭിക്കുന്നതിലൂടെ അടുത്ത മൂന്ന് വര്ഷത്തിനുള്ളില് മെഡിക്കല് കോളേജിനെ പോസ്റ്റ് ഗ്രാജുവേഷന് നിലവാരത്തിലേക്ക് ഉയര്ത്താന് സാധിക്കും. ഒത്തൊരുമയോടെയുള്ള പ്രവര്ത്തനഫലമായാണ് നാടിന് ഈ നേട്ടം കൈവരിക്കാന് സാധിച്ചതെന്നും മന്ത്രി പറഞ്ഞു. തൊഴില് എന്നതിനപ്പുറം സാമൂഹ്യ സേവനമാണ് ആരോഗ്യരംഗമെന്നും മന്ത്രി വിദ്യാര്ഥികളോട് പറഞ്ഞു. വിദ്യാര്ഥികളുടെ ഹോസ്റ്റല് നിര്മ്മാണം ആറുമാസത്തിനുള്ളില് പൂര്ത്തിയാക്കുമെന്ന് പ്രവേശനോത്സവത്തില് അധ്യക്ഷത വഹിച്ച് സംസാരിച്ച അഡ്വ. കെ.യു. ജനീഷ് കുമാര് എംഎല്എ പറഞ്ഞു. കോന്നി മെഡിക്കല് കോളേജില് വിദ്യാര്ഥികള്ക്കായി…
Read Moreകോന്നി മെഡിക്കല് കോളജില് ഈ സര്ക്കാരിന്റെ കാലത്തുതന്നെ പിജി കോഴ്സ് ആരംഭിക്കും: മന്ത്രി വീണാ ജോര്ജ്
