konnivartha.com: കോന്നി അരുവാപ്പുലത്ത് അന്യ സംസ്ഥാന തൊഴിലാളി കവറില് ഇട്ട ലഹരി ഉപയോഗിച്ച് കൊണ്ട് മണിക്കൂറുകള് റോഡില് ഇരുന്നിട്ടും അധികാരികള് എത്തി നടപടി സ്വീകരിച്ചില്ല എന്ന് നാട്ടുകാര് ആരോപിക്കുന്നു . അരുവാപ്പുലം സൊസൈറ്റിയ്ക്കും പമ്പ ഫാക്റ്ററി പടിയ്ക്കും ഇടയില് ജനങ്ങള് അധിവസിക്കുന്ന റോഡു അരുകില് ഇരുന്നാണ് അന്യ സംസ്ഥാന തൊഴിലാളി പരസ്യമായി മയക്കുമരുന്ന് ഉപയോഗിച്ചത് .സ്ത്രീകളും കുട്ടികളും ഭയന്ന് വിറച്ചാണ് ഇതുവഴി കടന്നു പോയത് . രാവിലെ എട്ടരയോടെ ആണ് ജാര്ഘണ്ട് നിവാസിയായ അന്യ സംസ്ഥാന തൊഴിലാളി ഈ റോഡ് അരുകില് കിടക്കുന്നത് കണ്ടത് .സമീപം ബാഗും ഉണ്ടായിരുന്നു .വാഹനം ഇടിച്ചതാണെന്നു കരുതി ആളുകള് കൂടി എങ്കിലും ഇയാള് എഴുന്നേറ്റു ഇരുന്നു കയ്യില് കരുതിയ കവര് മുഖത്തേക്ക് അടുപ്പിച്ചു ആഞ്ഞു വലിച്ചു കൊണ്ടിരുന്നു . ഈ കവറില് പശ എന്നറിയപ്പെടുന്ന മാരക ലഹരി വസ്തുവാണ് ഉണ്ടായിരുന്നത്…
Read More