പേവിഷബാധക്കെതിരെ ജാഗ്രത പാലിക്കണമെന്ന് കണ്ണൂര് ജില്ലാ മെഡിക്കല് ഓഫീസര് (ആരോഗ്യം) ഡോ. കെ നാരായണ നായ്ക് അറിയിച്ചു. സൂക്ഷിച്ചാല് പൂര്ണ്ണമായും ഒഴിവാക്കാവുന്ന ഒന്നാണ് പേവിഷ ബാധ. രോഗലക്ഷണങ്ങള് പ്രത്യക്ഷമായാല് മരണം ഉറപ്പായ രോഗമായതിനാല് തികഞ്ഞ സൂക്ഷ്മത പുലര്ത്തുകയും രോഗത്തെ പ്രതിരോധിക്കുകയും വേണം. മൃഗങ്ങളില് നിന്നും മനുഷ്യരിലേക്ക് പകരുന്ന ജന്തുജന്യരോഗമാണ് പേവിഷബാധ. വളര്ത്തുമൃഗങ്ങളുമായോ മററു മൃഗങ്ങളുമായോ ഇടപഴകുമ്പോള് കടിയേല്ക്കാതിരിക്കാന് ശ്രദ്ധിക്കണം. ഏതെങ്കിലും തരത്തില് കടിയേറ്റാല് ആ ഭാഗം സോപ്പും വെള്ളവും ഉപയോഗിച്ച് എത്രയും പെട്ടെന്ന് നന്നായി കഴുകിയതിനു ശേഷം വൃത്തിയുള്ള പഞ്ഞിയോ തുണിയോ ഉപയോഗിച്ച് തുടക്കണം. ഉടന് ആശുപത്രിയിലെത്തിച്ച് ചികിത്സ നല്കണം. പേ വിഷബാധ സംശയിക്കുന്ന മൃഗങ്ങളില് നിന്ന് കടിയോ പോറലോ ഏല്ക്കുകയോ ഇവയുമായി നേരിട്ട് സമ്പര്ക്കത്തില് വരികയോ ചെയ്താല് നിര്ബന്ധമായും പേവിഷബാധയ്ക്കെതിരെയുളള കുത്തിവെപ്പ് (ഇന്ട്രാ ഡെര്മല് റാബീസ് വാക്സിന്) എടുക്കണം. ജില്ലയില് സാമൂഹിക ആരോഗ്യകേന്ദ്രങ്ങള്, താലൂക്ക് ആശുപത്രികള്,…
Read Moreപേവിഷബാധക്കെതിരെ ജാഗ്രത പാലിക്കണം
