konnivartha.com: നവരാത്രി മഹോത്സവത്തിന് ക്ഷേത്രങ്ങള്‍ ഒരുങ്ങി .ഇനി 9 ദിനം ദേവിയുടെ വിവിധ ഭാവങ്ങളെ ആരാധിക്കും .ദക്ഷിണേന്ത്യയില്‍ മഹിഷാസുര വധവുമായി ബന്ധപ്പെട്ടാണ് നവരാത്രി ആഘോഷം. എന്നാല്‍ ഉത്തരേന്ത്യയില്‍ ശ്രീരാമന്‍ രാവണനെ വധിച്ചതിന്‍റെ സന്തോഷ സൂചകമാണ് നവരാത്രി.
കന്നിമാസത്തിലെ കറുത്തവാവിന് ശേഷമുള്ള വെളുത്ത പക്ഷത്തില്‍ പ്രഥമ മുതല്‍ നവമി വരെയുള്ള ഒന്‍പത് ദിവസങ്ങളിലായാ‍ണ് നവരാത്രി ആഘോഷം.സ്ത്രൈണ ശക്തിയുടെ പ്രതീകം, തിന്മയ്ക്കുമേല്‍ നന്മനേടിയ വിജയം, വിദ്യാരംഭം, സംഗീതം ,നൃത്തം തുടങ്ങിയ കലകളുടെ പഠനം ആരംഭിക്കല്‍, ഗ്രന്ഥപൂജ, ആയുധപൂജ എന്നിങ്ങനെ നവരാത്രി മഹോത്സവത്തിന് പ്രത്യേകതകള്‍ ഏറെയാണ്.
ആദ്യത്തെ മൂന്ന് ദിവസം ശക്തിരൂപിണിയായ ദുര്‍ഗ്ഗാദേവിയും അടുത്ത മൂന്ന് ദിവസം ഐശ്വര്യ ദേവതയായ മഹാലക്ഷ്മിയും അവസാനത്തെ മൂന്ന് ദിവസം സരസ്വതി ദേവിയുമാണ് ആരാധനാ മൂര്‍ത്തികള്‍. അവസാനത്തെ മൂന്ന് ദിവസത്തെ ആരാധനയ്ക്കും വ്രതാനുഷ്ഠാനങ്ങള്‍ക്കും കേരളീയര്‍ കൂടുതല്‍ പ്രാധാന്യം നല്‍കുന്നു.മാതൃദേവിയായ ജഗദീശ്വരിയെ ഒന്‍പത് ഭാവങ്ങളിലാണ് നവരാത്രി ദിനങ്ങളില്‍ ആരാധിക്കുന്നത്. ഈ ദേവീ രൂപങ്ങള്‍ നവദുര്‍ഗ്ഗമാര്‍ എന്ന് അറിയപ്പെടുന്നു.ലകളുടെയും വിദ്യാരംഭത്തിന്റെയും ആരാധനയുടെയും വിജയത്തിന്റെയും ഉത്സവമാണ് നവരാത്രി അഥവാ മഹാനവരാത്രി.
കോന്നി മഠത്തില്‍ക്കാവ് ഭഗവതി ക്ഷേത്രത്തിലെ നവരാത്രി മഹോത്സവത്തിന് തുടക്കം കുറിച്ച് കൊണ്ട് ഭദ്ര ദീപം തെളിഞ്ഞു . ഈ മാസം പതിമൂന്നു വരെയാണ് മഹോത്സവം . എന്‍ എസ് എസ് ഡയറക്ടര്‍ ബോര്‍ഡ്‌ അംഗം അഡ്വ ആര്‍ ഹരിദാസ്‌ ഇടത്തിട്ട ഭദ്രദീപം തെളിയിച്ചു . ആചാര്യ വരണം , ഭദ്ര ദീപ പ്രതിഷ്ഠ , മാഹാത്മ്യ പ്രഭാക്ഷണം , എന്നിവ നടന്നു .
എന്‍ എസ് എസ് താലൂക്ക് യൂണിയന്‍ സെക്രട്ടറി വി ഷാബു , യൂണിയന്‍ കമ്മറ്റി അംഗം കെ സരോജ് കുമാര്‍ ,മഠത്തില്‍ക്കാവ് എക്‌സിക്യൂട്ടീവ്‌ ഓഫീസര്‍ പി വി ബാലകൃഷ്ണ പിള്ള , രവീന്ദ്രനാഥ്‌ , ക്ഷേത്രം പ്രസി : എസ് ശിവകുമാര്‍ , വൈസ് പ്രസി:ബി രഘുനാഥന്‍ നായര്‍ , സെക്രട്ടറി എസ് അജിത്ത് കുമാര്‍ മണ്ണില്‍ , രാധാകൃഷ്ണന്‍ നായര്‍ എന്നിവര്‍ സംസാരിച്ചു എന്നിവര്‍ സംസാരിച്ചു .
നവരാത്രിയുടെ ആദ്യ ദിനത്തിൽ പ്രധാനമന്ത്രി ശൈലപുത്രി ദേവിയെ വണങ്ങി
നവരാത്രിയുടെ ആദ്യ ദിനത്തിൽ പ്രധാനമന്ത്രി ശ്രീ നരേന്ദ്ര മോദി ശൈലപുത്രി ദേവിയെ പ്രാർത്ഥിച്ചു.
പ്രധാനമന്ത്രി എക്സിൽ പോസ്റ്റ് ചെയ്തു
“നവരാത്രിയുടെ ആദ്യ ദിനത്തിൽ മാ ശൈലപുത്രിയോട് ഞാൻ കൈകൾ കൂപ്പി പ്രാർത്ഥിക്കുന്നു! ദേവിയുടെ കൃപയാൽ എല്ലാവരും അനുഗ്രഹിക്കപ്പെടട്ടെ. ദേവിയുടെ ഈ സ്തുതി നിങ്ങൾക്കെല്ലാവർക്കും വേണ്ടിയുള്ളതാണ്…”
പ്രധാനമന്ത്രി നവരാത്രി ആശംസകൾ നേർന്നു
പ്രധാനമന്ത്രി ശ്രീ നരേന്ദ്ര മോദി നവരാത്രി ദിനത്തിൽ ആശംസകൾ നേർന്നു.
പ്രധാനമന്ത്രി എക്സിൽ പോസ്റ്റ് ചെയ്തു
“ രാജ്യത്തെ എല്ലാ ജനങ്ങൾക്കും നവരാത്രി ആശംസകൾ. ശക്തിയെ ആരാധിക്കുന്നതിനായി സമർപ്പിച്ചിരിക്കുന്ന ഈ വിശുദ്ധ ഉത്സവം എല്ലാവർക്കും ഐശ്വര്യപ്രദമാകട്ടെ എന്ന് ആശംസിക്കുന്നു. ജയ് മാതാ ദി!”