കോന്നിപഞ്ചായത്തു പതിനഞ്ചാം വാർഡ് ആനകൂടിനു സമീപം പൊന്തനാം കുഴി കോളനിയിൽ ഉരുൾപൊട്ടി. 7 വീട്ടുകാരെ മാറ്റി പാർപ്പിച്ചു. കൂടുതൽ ആളുകളെ മാറ്റി പാർപ്പിക്കുവാൻ സ്ഥലത്തെത്തിയ ജില്ലാ കലക്ടറേ നൂഹ് ദുരന്ത നിവാരണ വകുപ്പിനോടും പോലീസിനോടും നിർദ്ദേശിച്ചു . പോലീസ് ,ഫയർ ഫോഴ്‌സ് ,ദുരന്ത നിവാരണ സേന എന്നിവർ സ്ഥലത്തു ക്യാമ്പ് ചെയ്യുന്നു .
മഴ തുടർന്നാൽ വീണ്ടും ഉരുൾപൊട്ടുകയും മണ്ണിടിച്ചിൽ ഉണ്ടാവുകയും ചെയ്യും . ഇതിനാൽ പ്രദേശത്തു നിന്നും കൂടുതൽ ആളുകളെ ഒഴിപ്പിക്കും . ഉരുൾപൊട്ടൽ ഉണ്ടായ സ്ഥലത്തു മണ്ണിടിച്ചിൽ വീണ്ടും ഉണ്ടാകുമെന്നു ഫയർഫോഴ്‌സ് അറിയിച്ചു . ഐ എച് ആർ ഡി കോളനിയിലാണ് ഉരുൾപൊട്ടൽ ഉണ്ടായതു . സ്ത്രീകളും കുട്ടികളും വീട്ടിൽ ഉണ്ടായിരുന്നു . ഓടി മാറിയതിനാൽ വലിയ ദുരന്തം ഒഴിവായി . തട്ട് തട്ടായുള്ള ഭൂമിയിലാണ് വീടുകൾ . ഇവിടെ മണ്ണിൽ പലഭാഗത്തും വിള്ളൽ ഉണ്ടായിട്ടുണ്ട് . സ്ഥാനാർഥികളായി പി മോഹൻരാജ് , ജെനീഷ് കുമാർ എന്നിവർ സ്ഥലത്തു എത്തിച്ചേർന്നു .
അടിയന്തിര സാഹചര്യം നേരിടാൻ ദുരന്ത നിവാരണ വകുപ്പ് എല്ലാ നടപടിയും സ്വീകരിച്ചു .മാറ്റി പാർപ്പിക്കേണ്ട ആളുകളുടെ കണക്കു എടുത്തു .സമീപ അംഗൻവാടിയിൽ 15 ആളുകളെ മാറ്റി .കൂടുതൽ സൗകര്യം ഉള്ള സ്ഥലത്തേക്ക് എല്ലാവരെയും ഇന്നുതന്നെ മാറ്റും .
