കേന്ദ്ര വാർത്താവിതരണ – പ്രക്ഷേപണ സഹമന്ത്രി ഡോ എൽ.മുരുഗൻ തിരുവനന്തപുരം സന്ദർശിച്ചു. പ്രധാനമന്ത്രി ശ്രീ നരേന്ദ്ര മോദിയുടെ ജീവിതവും പ്രവർത്തനങ്ങളും ആസ്പദമാക്കി തിരുവനന്തപുരം ചന്ദ്രശേഖരൻ നായർ സ്റ്റേഡിയത്തിൽ നടക്കുന്ന ദൃശ്യ നരേന്ദ്രം പ്രദർശനം അദ്ദേഹം സന്ദർശിച്ചു.
ഐഎസ്ആർഒ, ദൂരദർശൻ, ആകാശവാണി, സെൻട്രൽ ബ്യൂറോ ഓഫ് കമ്മ്യൂണിക്കേഷൻ തുടങ്ങിയ കേന്ദ്ര ഗവൺമെന്റ് സ്ഥാപനങ്ങളുടെ പ്രദർശന വേദിയിൽ ഒരുക്കിയ സ്റ്റാളുകൾ സന്ദർശിച്ച അദ്ദേഹം ഉദ്യോഗസ്ഥരുമായി ആശയവിനിമയം നടത്തി. പ്രധാനമന്ത്രി ശ്രീ നരേന്ദ്ര മോദിയുടെ ജന്മദിനാഘോഷത്തോടനുബന്ധിച്ച് 2023 സെപ്റ്റംബർ 17 ന് ആരംഭിച്ച പ്രദർശനത്തിൽ സെമിനാറുകൾ, ചിത്രരചന, ക്വിസ് മത്സരങ്ങൾ, കലാപരിപാടികൾ തുടങ്ങിയവയും സംഘടിപ്പിച്ചിട്ടുണ്ട് .
അരബിന്ദോ കൾച്ചറൽ സൊസൈറ്റിയുടെ നേതൃത്വത്തിൽ നടക്കുന്ന പ്രദർശനം 2023 ഒക്ടോബർ 02 വരെ തുടരും. തമിഴ്നാട്ടിലെ തിരുനൽവേലിയിൽ നാളെ (24 സെപ്റ്റംബർ 2023) ഞായറാഴ്ച നടക്കുന്ന വിവിധ പരിപാടികളിൽ പങ്കെടുക്കാൻ കേന്ദ്ര സഹമന്ത്രി ഡോ എൽ.മുരുഗൻ യാത്ര തിരിച്ചു.