konnivartha,com : കോന്നി നിയോജക മണ്ഡലത്തിലെ നിർമ്മാണം പൂർത്തീകരിച്ച 3 ഗ്രാമീണ റോഡുകളുടെ ഉദ്ഘാടനം നാളെ നടക്കും.പിണറായി സർക്കാരിന്റെ രണ്ടാം വാർഷികത്തിനോട് അനുബന്ധിച്ച് കോന്നിയിൽ 100 ദിവസം കൊണ്ട് 100 പദ്ധതികൾ ആവിഷ്കരിച്ച് നടപ്പാക്കുന്നതിന്റെ ഭാഗമായിട്ടാണ് പ്രവർത്തി പൂർത്തീകരിച്ചത്.
എം എൽ എ ഫണ്ടിൽ നിന്നും 25 ലക്ഷം രൂപ ചിലവഴിച്ചു നിർമ്മിച്ച അതിരുങ്കൽ അഞ്ചുമുക്ക് -വാകപ്പാറ റോഡ്, റീ ബിൽഡ് കേരള പദ്ധതിയിൽ ഉൾപ്പെടുത്തി 20 ലക്ഷം രൂപ ചിലവഴിച്ചു നിർമിച്ച കൂടൽ പോലിസ് സ്റ്റേഷൻ -ഫാക്ടറി റോഡ്,പ്രകൃതി ക്ഷോഭ നിവാരണ ഫണ്ടിൽ ഉൾപ്പെടുത്തി 3.5 ലക്ഷം രൂപ ചിലവഴിച്ചു നിർമിച്ച കടുവണ്ണൂർ -മിച്ചഭൂമി റോഡ് എന്നീ പ്രവർത്തികളാണ് ഉദ്ഘാടനം ചെയ്യുക.വൈകിട്ടു 4 മണി മുതൽ
നടക്കുന്ന ചടങ്ങ് അഡ്വ. കെ യു ജനീഷ് കുമാർ എം എൽ എ ഉദ്ഘാടനം ചെയ്യും. കലഞ്ഞൂർ ഗ്രാമപഞ്ചായത്ത് പ്രസിഡണ്ട് ടി.വി. പുഷ്പവല്ലി അധ്യക്ഷയാകും.