konnivartha.com : കോന്നിയിലും ബൈക്കില്‍ എത്തി മാല മോഷ്ടിക്കുന്ന സംഘം വിലസുന്നു . ഇന്ന് രാവിലെ വീട്ടമ്മയുടെ ഒരു പവന്‍ വരുന്ന മാല കവര്‍ന്നു . അഗ്നിരക്ഷാനിലയം-വനം വകുപ്പ് ഐ ബി റോഡില്‍ വെച്ചാണ് ബംഗ്ലാവ് മുരുപ്പേല്‍ ശ്രീജ ഭവനില്‍ ശ്രീജയുടെ ഒരു പവന്‍ തൂക്കം വരുന്ന മാല ബൈക്കില്‍ എത്തിയയാള്‍ പൊട്ടിച്ചു കടന്നു കളഞ്ഞത് .
പോലീസ് സ്റ്റേഷന് സമീപത്തെ സ്വകാര്യ സ്ഥാപനത്തില്‍ ജോലി ചെയ്യുന്ന ശ്രീജ രാവിലെ ജോലിയ്ക്കായി ഇവിടെയ്ക്ക് വരുമ്പോള്‍ ആണ് ബൈക്കില്‍ എത്തിയ ആള്‍ ഐ ബി റോഡില്‍ വെച്ച് മാല പൊട്ടിച്ചു ബൈക്കില്‍ കടന്നു കളഞ്ഞത് .ശ്രീജയുടെ പരാതിയില്‍ പോലീസ് അന്വേഷണം ഊര്‍ജിതമാക്കി .
കോന്നിയിലും പരിസര പ്രദേശങ്ങളിലും കറുത്ത മൂടിയുള്ള ഹെല്‍മറ്റ് ധരിച്ച് ബൈക്കില്‍ കറങ്ങി നടക്കുന്നവരെ പ്രത്യേകം ശ്രദ്ധിക്കണം .പന്തളത്ത് കഴിഞ്ഞ ദിവസവും ബൈക്കില്‍ എത്തിയവര്‍ വീട്ടമ്മയുടെ മാല കവര്‍ന്നു . ജില്ലയില്‍ നിരവധി ആളുകളുടെ മാല കവര്‍ന്ന സംഭവം ഉണ്ടായിട്ടുണ്ട് .