രണ്ട് ആടും പശുവും ചത്തു : കോന്നി മൃഗാശുപത്രിയ്ക്ക് എതിരെ വകുപ്പ് മന്ത്രിയ്ക്ക് പരാതി
konnivartha.com : കോന്നി സര്‍ക്കാര്‍ മൃഗാശുപത്രിയില്‍ ഡോക്ടറുടെ സേവനം കൃത്യമായി ലഭിക്കുന്നില്ല എന്ന് പരാതി . മൃഗങ്ങള്‍ക്ക് അസുഖം വന്നപ്പോള്‍ ഡോക്ടറെ വിളിച്ചു എങ്കിലും എത്താത്തതിനാല്‍ വ്യത്യസ്ത ദിവസങ്ങളിലായി രണ്ടു കര്‍ഷകരുടെ രണ്ട് ആടും ഒരു പശുവും ചത്തതായി ക്ഷീര കര്‍ഷകന്‍ വകുപ്പ് മന്ത്രിയ്ക്കും ഉന്നത അധികാരികള്‍ക്കും പരാതി നല്‍കി .
കോന്നി പയ്യനാമണ്ണ് താവളപ്പാറ പമ്പഴ വീട്ടില്‍ തോമസിന്‍റെ വീട്ടിലെ രണ്ടു ആട്ടിന്‍ കുട്ടിയും പമ്പഴ വീട്ടില്‍ ജോണ്‍സണ്‍ വളര്‍ത്തിയ രണ്ടര വയസ്സുള്ള പശു കിടാവും ആണ് കൃത്യമായ ചികിത്സ കിട്ടാതെ ചത്തത് എന്ന് ജോണ്‍സണ്‍ മൃഗ സംരക്ഷണ വകുപ്പ് മന്ത്രിയ്ക്കും മറ്റു ഉന്നത അധികാരികള്‍ക്കും പരാതി കൊടുത്തത് .
കോന്നി മൃഗാശുപത്രിയില്‍ നിന്നും ഡോക്ടറെ കൂട്ടികൊണ്ട് വരുവാന്‍ വാഹനവുമായി എത്തി എങ്കിലും ഡോക്ടര്‍ ഇല്ലാത്തതിനാല്‍ പത്തനംതിട്ട മൃഗാശുപത്രിയില്‍ ആണ് പോയത് . സ്ഥിരമായി ഡോക്ടര്‍ ഇല്ലാത്തതിനാല്‍ മതിയായ ചികിത്സ കിട്ടിയില്ല എന്നാണ് പരാതിയില്‍ പറയുന്നത് .
പശുകിടാവിനു അസുഖം വന്നപ്പോള്‍ വാഹനവുമായി ആശുപത്രിയില്‍ എത്തി എങ്കിലും അന്നും ഡോക്ടര്‍ ഇല്ലായിരുന്നു .ഡോക്ടറെ ബന്ധപെട്ടപ്പോള്‍ പിറ്റേന്നു എത്താം എന്നുള്ള മറുപടി ആണ് കിട്ടിയത് എന്ന് പരാതിയില്‍ പറയുന്നു .എന്നാല്‍ പിന്നീടും ഡോക്ടര്‍ എത്താത്തതിനാല്‍ അസുഖം കൂടി പശു കിടാവും ചത്തു പോയി .
മൂന്നു വളര്‍ത്തു മൃഗങ്ങള്‍ ആണ് ഇവര്‍ക്ക് നഷ്ടമായത് . കോന്നി മൃഗാശുപത്രിയില്‍ ഡോക്ടറുടെ കൃത്യമായ സേവനം ലഭിക്കുന്നില്ല എന്നും വ്യാപക പരാതി ഉയര്‍ന്നു .
