സംസ്ഥാനത്ത് ഞായറാഴ്ച മാത്രം ലോക്ക്ഡൗൺ; കടകൾ എല്ലാ ദിവസവും തുറക്കും
കോന്നി വാര്‍ത്ത ഡോട്ട് കോം : സംസ്ഥാനത്തെ ലോക്ക്ഡൗൺ മാനദണ്ഡങ്ങളിൽ മാറ്റം. ഞായറാഴ്ച മാത്രമേ ഇനി മുതൽ ലോക്ക്ഡൗൺ ഉണ്ടാവൂ. ശനിയാഴ്ചത്തെ ലോക്ക്ഡൗൺ ഒഴിവാക്കി. അടുത്ത ആഴ്ച മുതൽ മാനദണ്ഡങ്ങൾ നിലവിൽ വരും. മുഖ്യമന്ത്രിയുടെ നേതൃത്വത്തിൽ നടന്ന കൊവിഡ് അവലോകനയോഗത്തിലാണ് തീരുമാനം. ഇതോടൊപ്പം എല്ലാ ദിവസങ്ങളിലും കടകൾക്ക് തുറന്നുപ്രവർത്തിക്കാൻ അനുമതി നൽകി.
ടിപിആർ അനുസരിച്ചുള്ള നിബന്ധനകൾ ഒഴിവാക്കുമെന്നും സൂചനയുണ്ട്. ഒരാഴ്ച റിപ്പോർട്ട് ചെയ്യുന്ന രോഗികളുടെ എണ്ണം പരിഗണിച്ചാവും മേഖല തിരിച്ചുള്ള നിയന്ത്രണങ്ങൾ. രോഗബാധിതർ കുറവുള്ള ഇടങ്ങളിൽ ഇളവ് അനുവദിക്കും
കടകള്‍ എല്ലാ ദിവസും തുറക്കണം : വ്യാപാരി സമിതി സമരം സംഘടിപ്പിച്ചു
കോന്നി വാര്‍ത്ത ഡോട്ട് കോം : കേരള സംസ്ഥാന വ്യാപാരി വ്യവസായി സമതി കോന്നി ഏരിയയുടെ നേതൃത്വത്തിൽ നടന്ന ജീവിതസമരം സിവിൽ സ്റ്റേഷനു മുന്നിൽ ഏരിയ പ്രസിഡൻ്റ് രാജൻ രാമചന്ദ്രൻ ഉദ്ഘാടനംചെയ്തു. ഏരിയ കമ്മിറ്റി അംഗം ജഗത്പ്രിയ അധ്യക്ഷയും ഏരിയ സെക്രട്ടറി ഗോപിനാഥൻ നായർ ആശംസയും ഏരിയകമ്മിറ്റി അംഗം സന്തോഷ്കുമാർ കൃതജ്‌ഞതയും അറിയിച്ചു.കേരള സംസ്ഥാന വ്യാപാരി വ്യവസായി സമിതി കോന്നി യൂണിറ്റി ൻ്റെ നേതൃത്വത്തിൽ നടന്ന ജിവിതസമരം കോന്നി പഞ്ചായത്തിന് മുന്നില്‍ കോന്നിഏരിയാസെക്രട്ടറി ഗോപിനാഥൻനായർ ഉദ്ഘാടനംചെയ്തു .യൂണിറ്റ് സെക്രട്ടറി റ്റി.രാജഗോപാൽ അദ്ധ്യക്ഷത വഹിച്ചു