ന്യൂഡല്‍ഹി: മുന്‍ പ്രധാനമന്ത്രി പി.വി നരസിംഹ റാവുവിന്‍റെ വിശ്വസ്തനായി അറിയപ്പെട്ടിരുന്ന വിവാദ സന്യാസി ചന്ദ്രസ്വാമി (66) അന്തരിച്ചു. നരസിംഹറാവുവിന്‍റെ ആധ്യാത്മിക ഉപദേശകനായിട്ടാണ് അറിയപ്പെട്ടതും വാര്‍ത്തകളില്‍ നിറഞ്ഞതും. നിരവധി സാമ്പത്തിക കുറ്റകൃത്യങ്ങളിൽ ഉൾപ്പെട്ടിരുന്ന ചന്ദ്രസ്വാമിയെ വിദേശ വിനിമയച്ചട്ടം ലംഘിച്ചതിന് സുപ്രീം കോടതി ശിക്ഷിച്ചിരുന്നു.
സെന്‍റ് കിറ്റ്‌സ് കേസില്‍ നരസിംഹറാവു, കെ.കെ തിവാരി, കെ.എന്‍. അഗര്‍വാള്‍ എന്നിവര്‍ക്കൊപ്പം ചന്ദ്രസ്വാമിയും കുറ്റാരോപിതനായിരുന്നു. 1948ൽ ജനിച്ച ചന്ദ്രസ്വാമിയുടെ യഥാർഥ പേര് നേമിചന്ദ് എന്നായിരുന്നു. – S