നാലംഗ രാജ്യാന്തര മോഷണ സംഘം തിരുവനന്തപുരത്ത് പിടിയിലായി. ഇറാനിയൻ പൗരന്മാരാണ് പിടിയിലായത്. കേരളത്തിലും ഇവര്‍ മോഷണം നടത്തി .മണി എക്‌സചേഞ്ച് സ്ഥാപനങ്ങളും പോസ്റ്റ് ഓഫീസും കൊള്ളയടിക്കാനായിരുന്നു സംഘത്തിന്റെ പദ്ധതി.
തിരുവനന്തപുരത്തെ ഹോട്ടലിൽ നിന്ന് കന്റോൺമെന്റ് പൊലീസാണ് സംഘത്തെ പിടികൂടിയത്.കേരളത്തിൽ വിവിധയിടങ്ങളിൽ സംഘം മോഷണം നടത്തി വന്നിരുന്നതായി പൊലീസ് പറയുന്നു.
തിരുവനന്തപുരത്ത് മോഷണം നടത്താൻ തീരുമാനിച്ചതിനിടയിലാണ് പിടിയിലാകുന്നത്. മറ്റ് സംസ്ഥാനങ്ങളിലും ഇവർ മോഷണം നടത്തിയിരുന്നു. വലിയ മോഷണം ഇവർ ലക്ഷ്യമിട്ടിരുന്നതായും പൊലീസ് പറഞ്ഞു.ജനുവരി 20 മുതല്‍ ഡല്‍ഹിയില്‍ ക്യാമ്പ് ചെയ്ത് രാജ്യത്തിന്റെ പല ഭാഗങ്ങളിലായി മോഷണം നടത്തിയ സംഘമാണ് . ഇവര്‍ ചേര്‍ത്തലയില്‍ ഒരു മോഷണം നടത്തിയതായി ഷാഡോ പോലീസ് സംഘം കണ്ടെത്തിയിരുന്നു.