konnivartha.com:/പത്തനംതിട്ട : സാമൂഹിക പ്രവർത്തക ഡോ.എം. എസ് .സുനിൽ ഭവനരഹിതരായ നിരാലമ്പർക്ക് പണിത് നൽകുന്ന 267 മത് സ്നേഹ ഭവനം റാന്നി പൂവൻ മലയിൽ ജോയി പാസ്റ്ററിന്റെ അഞ്ചംഗ കുടുംബത്തിന് ചിക്കാഗോ മലയാളി അസോസിയേഷൻ അംഗമായ മോനു വർഗീസിന്റെ സഹായത്താൽ നിർമ്മിച്ചു നൽകി. വീടിന്റെ താക്കോൽദാനവും ഉദ്ഘാടനവും ചിക്കാഗോ മലയാളി അസോസിയേഷൻ പ്രസിഡൻറ് ജോഷി വള്ളിക്കളവും ജുബി വള്ളിക്കളവും ചേർന്ന് നിർവഹിച്ചു. വർഷങ്ങളായി സ്വന്തമായ ഭവനം ഇല്ലാതെ ഹൃദ്രോഗിയായ പാസ്റ്റർ രോഗാവസ്ഥയിലുള്ള ഭാര്യ ജയ്സിയോടും മൂന്നു കുഞ്ഞുങ്ങളോടും ഒപ്പം വീടില്ലാതെ മറ്റുള്ളവരുടെ കാരുണ്യത്താൽ കഴിയുകയായിരുന്നു. ഇവരുടെ അവസ്ഥ മനസ്സിലാക്കിയ ടീച്ചർ മോനുവിന്റെ സഹായത്താൽ ഇവർക്കായി ഒരു വീട് പണിത് നൽകുകയായിരുന്നു. ചടങ്ങിൽ പ്രോജക്ട് കോഡിനേറ്റർ കെ .പി. ജയലാൽ., ബോബൻ അലോഷ്യസ്., നജ്മ ബോബൻ എന്നിവർ പ്രസംഗിച്ചു.