konnivartha.com : ശബരിമല തീര്‍ത്ഥാടകര്‍ സഞ്ചരിച്ച ബസ് ളാഹ വഞ്ചിവളവില്‍ മറിഞ്ഞു . ബസ്സില്‍ കുടുങ്ങിക്കിടന്ന 10 തീര്‍ത്ഥാടകരെയും പുറത്തെടുത്തു . രാവിലെ 8:40നാണ് അപകടം ഉണ്ടായത്. ആദ്യം ഓടിക്കൂടിയ നാട്ടുകാരും സമീപത്തെ വ്യാപാരികളും ചേര്‍ന്ന് രക്ഷാ പ്രവര്‍ത്തനം നടത്തി .
ആന്ധ്രപ്രദേശിൽ നിന്നുള്ള തീർത്ഥാടകരാണ് അപകടത്തിൽപ്പെട്ടത്.പതിനെട്ട് പേർക്ക് പരിക്കേറ്റു.നാൽപ്പത് പേരാണ് വാഹനത്തിലുണ്ടായിരുന്നത്.അഗ്നിരക്ഷാ സേനയെത്തിയാണ് വാഹനത്തിൽ കുടുങ്ങിക്കിടന്നവരെ പുറത്തെടുത്തത്
പരിക്ക് പറ്റിയവരെ ആദ്യം റാന്നി പെരുനാട്‌ ,വടശ്ശേരിക്കര ആശുപത്രിയില്‍ പ്രവേശിപ്പിച്ചു . കൂടുതല്‍ പരിക്ക് ഉള്ള മൂന്നു പേരെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു . ജില്ലാ ഭരണകൂടത്തിന്‍റെ നേതൃത്വത്തില്‍ രക്ഷാ പ്രവര്‍ത്തനങ്ങള്‍ ഏകോപിപ്പിച്ചു .