konnivartha.com : സംസ്ഥാന ചലച്ചിത്ര പുരസ്‌കാര പ്രഖ്യാപനത്തില്‍ ഹോം എന്ന സിനിമയും അതിലെ കഥാപാത്രത്തെ നൂറു ശതമാനം ആത്മാര്‍ഥതയോടെ അഭിനയിച്ചു പൊലിപ്പിച്ച നടന്‍ ഇന്ദ്രന്‍സും പുറത്തായത് എങ്ങനെ എന്നാണ് ചലച്ചിത്ര മേഖലയിലെ ചൂടുള്ള ചര്‍ച്ച . “ചൂടുള്ള” ഒരു വിഷയം ഉള്ളതിനാല്‍ ഇന്ദ്രന്‍സിനെ അവസാന നിമിഷം വെട്ടി എന്നാണ് അണിയറയിലെ ചര്‍ച്ച . കാരണം ഇതാണ്
റോജിന്‍ തോമസ് സംവിധാനം ചെയ്ത ‘ഹോം’. ഇന്ദ്രന്‍സിന്റേയും മഞ്ജു പിള്ളയുടേയും മികച്ച പ്രകടനം കൊണ്ടും മികച്ച സംവിധാനം കൊണ്ടും ഏറെ ശ്രദ്ധിക്കപ്പെട്ട സിനിമയായിരുന്നു . എന്നാല്‍ പ്രധാന പുരസ്‌കാരങ്ങള്‍ ഒന്നും ‘ഹോം’ സിനിമയ്ക്ക് ലഭിച്ചില്ല.കാരണം ഇതാകാം
ബലാത്സംഗ കേസില്‍ ആരോപണ വിധേയനായ വിജയ് ബാബു ആണ് ഈ സിനിമയുടെ നിര്‍മാതാവ്. പുതുമുഖ നടി പരാതി നല്‍കിയതിനെ തുടര്‍ന്ന് വിജയ് ബാബു ദുബായിലേക്ക് കടന്നിരിക്കുകയാണ്. തിരിച്ചെത്തിയാല്‍ ഉടന്‍ അറസ്റ്റ് നടക്കുമെന്ന് പോലീസ് വ്യക്തമാക്കി . സര്ക്കാരിന്റെ നല്ല “മുഖത്തിന്‌ “ഈ സാഹചര്യത്തില്‍ ഹോം സിനിമയെ പുരസ്‌കാരങ്ങളില്‍ നിന്ന് മനപ്പൂര്‍വ്വം മാറ്റി നിര്‍ത്താന്‍ സര്‍ക്കാര്‍ തീരുമാനിച്ചോ എന്നാണ് ചൂടുള്ള ചര്‍ച്ച . സിനിമ മേഖലയിലെ പലരും ഇത് തന്നെയാണ് അഭിപ്രായം പറയുന്നത് .
ഇന്ദ്രന്‍സ് ഇപ്പോള്‍ കോന്നി നിവാസി ഷാബു ഉസ്മാന്‍ സംവിധാനം ചെയ്യുന്ന ലൂയിസ് എന്ന സിനിമയുടെ കോന്നി വകയാറിലെ ലൊക്കേഷനില്‍ ഉണ്ട് . മികച്ച സിനിമയായി ജൂറി തിരഞ്ഞെടുത്തത് ഹോം സിനിമ ആണെന്ന നിലയില്‍ ചര്‍ച്ചകള്‍ നടക്കുന്നു . മികച്ച നടനായി ഇന്ദ്രന്‍സിനേയും നടിയായി മഞ്ജു പിള്ളയേയും ഈ സിനിമയിലെ അഭിനയത്തിന് ജൂറി തിരഞ്ഞെടുത്തിരുന്നു എന്ന രീതിയിലും സംസാരം നടക്കുന്നു . വിജയ് ബാബു പ്രശ്‌നം കത്തി നില്‍ക്കുമ്പോള്‍ അദ്ദേഹം നിര്‍മിക്കുകയും അഭിനയിക്കുകയും ചെയ്ത സിനിമയ്ക്ക് പുരസ്‌കാരങ്ങള്‍ നല്‍കുന്നത് സര്ക്കാരിന്റെ പ്രതിച്ഛായയെ ബാധിക്കുമെന്ന ആശങ്കയിലാണ് തീരുമാനം മാറ്റിയത് എന്നാണ് വിവരം. മികച്ച ജനപ്രിയ ചിത്രമായി ജൂറി തിരഞ്ഞെടുത്തത് ‘നായാട്ട്’ ആണെന്നും സൂചനയുണ്ട്. എന്നാല്‍ ചലച്ചിത്ര അക്കാദമി ചെയര്‍മാന്‍ രഞ്ജിത്ത് ആണ് ഈ സിനിമയുടെ നിര്‍മാതാക്കളില്‍ ഒരാള്‍. തനിക്ക് പങ്കാളിത്തമുള്ള സിനിമയെ പുരസ്‌കാരത്തില്‍ നിന്ന് മാറ്റി നിര്‍ത്തണമെന്ന രഞ്ജിത്ത് ജൂറിയോട് അഭ്യര്‍ത്ഥിച്ചതിനെ തുടര്‍ന്നാണ് ‘ഹൃദയം’ മികച്ച ജനപ്രിയ ചിത്രമായി തിരഞ്ഞെടുക്കപ്പെട്ടത് എന്നാണ് ചലച്ചിത്ര മേഖലയില്‍ ഉള്ളവരുടെ സംസാരം .
അവാര്‍ഡില്‍ നിന്നും പേരുകള്‍ ആരൊക്കെ വെട്ടി മാറ്റിയാലും കലാഭവന്‍ മണിയ്ക്ക് ശേഷം ജന ഹൃദയത്തില്‍ ആഴത്തില്‍ സ്നേഹത്തിന്‍റെ വേരോടിച്ച മഹാ നടനാണ്‌ ഇന്ദ്രന്‍സ് . ജന ഹൃദയത്തില്‍ ആണ് ഇന്ദ്രന്‍സ്സിന്‍റെ സ്ഥാനം എന്ന് നാം ഓര്‍ക്കുക . ദേശീയ പുരസ്ക്കാരം ഉടന്‍ തേടിയെത്തും .
ജയന്‍ കോന്നി /കോന്നി വാര്‍ത്ത ഡോട്ട് കോം