കൊക്കാത്തോട്‌ ഉള്‍വനത്തില്‍ നിന്നും തലയോട്ടിയും അസ്ഥിക്കഷണവും കണ്ടെത്തി
കോന്നി വാര്‍ത്ത ഡോട്ട് കോം :KONNIVARTHA.COM : കോന്നി കൊക്കാത്തോട്‌ ഉള്‍വനത്തില്‍ നിന്നും തലയോട്ടിയും അസ്ഥിക്കഷണവും കണ്ടെത്തി. കഴിഞ്ഞ സെപ്തംബര്‍ മാസത്തില്‍ വന വിഭവം ശേഖരിക്കാന്‍ വനത്തില്‍ പോയ ആദിവാസി ദമ്പതികളെ കാണാന്‍ ഇല്ലെന്നുള്ള പരാതിയെ തുടര്‍ന്ന് കോന്നി പോലീസ് വനത്തിനുള്ളില്‍ നടത്തിയ പരിശോധനയില്‍ ആണ് ഒരു തലയോട്ടി , തുട എല്ല് , വാരിയെല്ല് , താടിയെല്ല് ,തലമുടി , തുണിയുടെ കക്ഷണം എന്നിവ കണ്ടത്തിയത് .
കൊക്കാത്തോട്‌ കോട്ടാമ്പാറ ഗിരിജന്‍ കോളനിയിലെ ശശി ( 22 ) ഇയാളുടെ ഭാര്യ സുനിത എന്നിവരെ ആണ് കാണാതായത് . സുനിതയെയും ഭര്‍ത്താവിനെയും കാണാന്‍ ഇല്ലെന്നു കാട്ടി സുനിതയുടെ പിതാവ് പോലീസില്‍ പരാതി നല്‍കിയിരുന്നു . മാഞ്ഞാര്‍ വന മേഖലയില്‍ കുന്തിരിക്കം ശേഖരിക്കാന്‍ പോയ ഇവര്‍ മടങ്ങി വന്നിട്ടില്ല എന്നാണ് സുനിതയുടെ പിതാവ് അച്യുതന്‍ നല്‍കിയ പരാതി .ക്രൈം നമ്പര്‍ 01/22 ആയി പോലീസ് കേസ് രജിസ്റ്റര്‍ ചെയ്തു അന്വേഷണം ആരംഭിച്ചിരുന്നു .
വന പാലകരുടെ സഹായത്താല്‍ കഴിഞ്ഞ ദിവസം മുതല്‍ പോലീസ് വനത്തില്‍ അന്വേഷണം ആരംഭിച്ചു . കിട്ടിയ തലയോട്ടിയും മറ്റും മനുഷ്യന്‍റെ തന്നെ എന്ന് ഉറപ്പിച്ചിട്ടുണ്ട് . കാണാതായവരുടെ തന്നെ ആണോ എന്ന് ശരീര അവശിഷ്ടങ്ങള്‍ ഫോറന്‍സിക്ക് പരിശോധനയ്ക്ക് വേണ്ടി അയക്കുവാന്‍ കോന്നി പോലീസ്സില്‍ ഉണ്ട് . തുടര്‍ നടപടികള്‍ക്ക് വേണ്ടി ഇവ ഫോറന്‍സിക്ക് ലാബിലേക്ക് മാറ്റും
IMAGE:FILE PHOTO