കഴിഞ്ഞ ദിവസം ഉണ്ടായ കാറ്റിലും മഴയിലും ലക്ഷകണക്കിന് രൂപയുടെ കാര്‍ഷിക നഷ്ടം ഉണ്ടായി . വകയാര്‍ വി. കോട്ടയം എഴുമണ്ണിൽ വൻ കൃഷിനാശം ഉണ്ടായി . വി. കോട്ടയം എഴുമണ്ണിൽ ചാർളി,തോമസ്സ്,രാജേന്ദ്രൻ, ശ്രീഭവനം ഗോപാലകൃഷ്ണൻ, അഭിലാഷ് മൂക്കൻവിള തെക്കേതിൽ എന്നിവരുടെ രണ്ടായിരത്തിലധികം വരുന്ന ഏത്ത വാഴകളും, ചീനി തുടങ്ങിയവആണ് കാറ്റില്‍ നശിച്ചത് . ലക്ഷക്കണക്കിന് രൂപയുടെ കൃഷി നഷ്ടം കണക്കാക്കി, പ്രമാടം കൃഷി ഓഫീസറും സംഘവും സ്ഥലം സന്ദർശിച്ചു. ഏറെ അധ്വാനത്തോടെ കൃഷി ഇറക്കി എങ്കിലും പ്രകൃതി ക്ഷോഭം മൂലം ഈ കര്‍ഷകര്‍ക്ക് ലക്ഷങ്ങളുടെ നഷ്ടം ഉണ്ടായി . വിളവ് എത്തിയതും കൂമ്പു വന്നതുമായ വാഴകള്‍ പൂര്‍ണമായും നശിച്ചു .