കോന്നി വാര്‍ത്ത : കോന്നി വകയാര്‍ ആസ്ഥാനമായുള്ള പോപ്പുലര്‍ ഫിനാന്‍സിന്‍റെ സഹോദര സ്ഥാപനമായ തൃശ്ശൂര്‍ ചാലക്കുടി പഴയ ദേശീയപാതയിൽ കോ ഓപ്പ്‌ടെക്‌സ് ബസ് സ്റ്റോപ്പിന് സമീപം പ്രവർത്തിച്ചിരുന്ന മേരിറാണി പോപ്പുലര്‍ ലിമിറ്റഡ് പോലീസ് സീല്‍ ചെയ്തു. തൃശ്ശൂര്‍ കലക്ടറുടെ ഉത്തരവിനെ തുടർന്നു ഇവരുടെ ജില്ലയിലെ മുഴുവൻ ശാഖകളും പൂട്ടി സീൽ ചെയ്യുന്നതിന്റെ ഭാഗമായാണ് മേരിറാണി പോപ്പുലര്‍ ലിമിറ്റഡ് സീല്‍ ചെയ്തത് . ഇവരുടെ ഉടമസ്ഥതയിലുള്ള വാഹനങ്ങൾ പിടികൂടുവാൻ മോട്ടോര്‍ വാഹന വകുപ്പിനും കലക്ടർ നിർദേശം നൽകി.കൊല്ലം ജില്ലയിലും പോപ്പുലര്‍ സ്ഥാപനങ്ങള്‍ സീല്‍ ചെയ്യുവാന്‍ നടപടി സ്വീകരിച്ചു . കോഴിക്കോട് ,കോട്ടയം , പത്തനംതിട്ട ജില്ലകളില്‍ ഉള്ള സ്ഥാപനങ്ങളുടെ നിയന്ത്രണം പോലീസ് ഏറ്റെടുത്തു . ഇവിടെയും എല്ലാ സ്ഥാപനവും പോലീസ് സീല്‍ ചെയ്തിട്ടുണ്ട് .