കോന്നിയിൽ അറിവിന്‍റെ വിസ്മയം തീർത്ത് ‘ മിഴിവ് ഫെസ്റ്റ്

ഫിറോസ് കോന്നി
അടൂർ മഹാത്മാ ജനസേവന കേന്ദ്രത്തിന്റെ നേതൃത്വത്തിൽ കോന്നിയിൽ നടത്തിവരുന്ന മിഴിവ് ഫെസ്റ്റിലെ, ട്രാവൻകൂർ ഫെറിറ്റേജ് മ്യൂസിയമൊരുക്കുന്ന പുരാവസ്തു ക്കളുടെ പ്രദർശനം വിസ്മയമാകുന്നു. നൂറ്റാണ്ടുകൾക്ക് പിന്നിലേക്ക്, ചരിത്രത്തിലേക്ക് … നമ്മെ കൂട്ടിക്കൊണ്ടു പോവുന്നുണ്ട്. അച്ചടി മാധ്യമങ്ങൾ മൾട്ടി കളറാവുന്നതിനും മുന്നേയുള്ള ആനുകാലികങ്ങൾ പത്രങ്ങൾ എന്നിവയൊക്കെ ഇവിടെ പ്രദർശിപ്പിച്ചിട്ടുണ്ട്. പഴയ ബ്ലാക് ആന്റ് വൈറ്റ് മനോരമ വാരിക, സഖി വാരിക തുടങ്ങിയവയൊക്കെ ഒന്നു കൂടി കാണുവാനുള്ള അവസരമുണ്ട്.
മഹാത്മാവിന്റെ കണ്ണട നേരിൽ കാണുവാനുള്ള ഭാഗ്യം കോന്നിക്കാർക്കായി ഒരുക്കുന്നു.ചർക്ക, മെതിയടി, ഗ്രാമഫോൺ, വാക്വം റേഡിയോ, പുരാതന ക്യാമറകൾ, കേരളത്തിലെ ആദ്യത്തെ ലോട്ടറി ടിക്കറ്റ് കറൻസികൾ തുടങ്ങി,
രണ്ടാം ലോകമഹായുദ്ധത്തിൽ പോരാളികൾ ഉപയോഗിച്ചിരുന്ന യൂണിഫോറമുകൾ ആയുധങ്ങൾ എന്നിവയും, അവയുടെ ചരിത്ര പശ്ചാത്തലത്തോടൊപ്പം കാണുകയും മനസിലാക്കുകയും ചെയ്യാവുന്നതാണ്.
മറ്റൊരു ആകർഷണീയത ഇന്ത്യയിൽ ആദ്യമായ് ഫൗണ്ടൻ ഇന്നോവേഷൻ അവതരിപ്പിക്കുന്ന9D സിനിമാ പ്രദർശനമാണ്. കുട്ടികൾക്കും മുതിർന്നവർക്കും ഒരുപോലെ ആസ്വാദ്യകരമാവുന്ന 9D സിനിമ ആസ്വദിക്കുവാനുള്ള അവസരം പാഴാക്കരുത്. 3D സ്ക്രീനിലെ വാഹനം ചലിക്കുന്നതിനനുസരിച്ച് നാമിരിക്കുന്ന സീറ്റും ചലിക്കുന്നു. തണുപ്പും, ഗന്ധവും, ജലത്തിന്റെ കുളിരും ഒക്കെ ശരിക്കും ആസ്വദിക്കാം.
കൂടാതെ വിപണന സ്റ്റാളുകളും സജീവമാണ്.