കോന്നി: ആജീവനാന്തം വിദ്യാർഥിയായിരിക്കാന്‍ ഉള്ള ആഗ്രഹം എന്നും ഉണ്ടാകണം എന്ന് ഡോ.ഡി. ബാബു പോൾ. കോന്നി നിയോജകമണ്ഡലത്തിൽ ഉന്നതനിലയിൽ വിവിധ പരീക്ഷകളിൽ വിജയികളായ വിദ്യാർഥികളെ അനുമോദിക്കാൻ ചേർന്ന കോന്നി മെറിറ്റ് ഫെസ്റ്റ് സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.അടൂർ പ്രകാശ് എംഎൽഎയുടെ നേതൃത്വത്തിൽ സംഘടിപ്പിച്ച മെറിറ്റ് ഫെസ്റ്റിൽ ബ്ലോക്ക് പഞ്ചായത്ത് പ്രസിഡന്‍റ് കോന്നിയൂർ പി.കെ. അധ്യക്ഷത വഹിച്ചു. എലിസബേത്ത് അബു, റോബിൻ പീറ്റർ, എം. രജനി, ഫാ.ജോണ്സണ് കല്ലിട്ടതിൽ, എസ്. സന്തോഷ് കുമാർ, ബിനു കെ.സാം, ആർഷരാജ്, ജിൻസി രാജൻ എന്നിവർ പ്രസംഗിച്ചു.
അടൂർ പ്രകാശ് എംഎൽഎ വിദ്യാര്‍ത്ഥികള്‍ക്ക് അവാർഡുകൾ സമ്മാനിച്ചു.