ജില്ലയിലെ നെടുമ്പ്രം പഞ്ചായത്തില് പക്ഷിപ്പനി സ്ഥിരീകരിച്ചതിന്റെ പശ്ചാത്തലത്തില് രോഗബാധിത പ്രദേശത്തിന്റെ ഒരു കിലോമീറ്റര് ചുറ്റളവില് കോഴി ഉല്പ്പന്നങ്ങളും മുട്ടകളും വില്ക്കുന്ന എല്ലാ കടകളും വിപണികളും ഇന്ന് മുതല് മൂന്ന് ദിവസത്തേക്ക് അടച്ച് ഇടേണ്ടതാണെന്ന് ജില്ലാ കളക്ടറും ദുരന്ത നിവാരണ അതോറിറ്റി ചെയര്പേഴ്സണുമായ ഡോ.ദിവ്യ എസ് അയ്യര് ഉത്തരവായി. രോഗം സ്ഥിരീകരിച്ച സ്ഥലത്ത് നിന്നും ഒരു കിലോമീറ്റര് ചുറ്റളവ് രോഗബാധിത പ്രദേശമായും ഒരു കിലോമീറ്റര് മുതല് പത്ത് കിലോമീറ്റര് വരെയുള്ള ചുറ്റളവ് സര്വൈലന്സ് സോണായും പ്രഖ്യാപിച്ചിട്ടുണ്ട്. ഇവിടെ നിന്നും പുറത്തേക്കും കോഴികളേയും മറ്റ് പക്ഷികളേയും കൊണ്ടു പോകുന്നതും കൊണ്ടു വരുന്നതും മൂന്ന് മാസത്തേക്ക് നിരോധിച്ചു. എച്ച് 5 എന് 1 വൈറസാണ് സ്ഥിരീകരിച്ചത്. അണുവിമുക്തപ്രവര്ത്തികള് പൂര്ത്തിയാക്കുന്നത് വരെ കടകള് തുറക്കാന് പാടില്ല. പക്ഷികളേയോ കോഴി ഉല്പ്പനങ്ങളോ വില്ക്കാനോ പുറത്തേക്ക് കൊണ്ടുപോകാനോ അനുവദിക്കില്ല. രോഗവ്യാപനം കണക്കിലെടുത്ത് പൊതുജനസഞ്ചാരം പരിമിതപ്പെടുത്തണം.…
Read Moreപത്തനംതിട്ട : പക്ഷിപ്പനിബാധിത പ്രദേശത്തെ കോഴി ഉല്പ്പന്നങ്ങളും മുട്ടകളും വില്ക്കുന്ന കടകളും വിപണികളും അടച്ചിടണം : ജില്ലാ കളക്ടര്
