മകരവിളക്ക് ശനിയാഴ്ച ശബരിമലയില് അയ്യപ്പദര്ശനത്തിനെത്തിയ ഭക്തജന ലക്ഷങ്ങള്ക്ക് ഇരട്ടി സായൂജ്യമേകി ജനുവരി 14ന് ശനിയാഴ്ച പൊന്നമ്പലമേട്ടില് മകരവിളക്ക് തെളിയും. പന്തളം കൊട്ടാരത്തില്നിന്നുള്ള തിരുവാഭരണങ്ങള് അണിയിച്ചുള്ള ദീപാരാധനയും വിശേഷാല് മകരസംക്രമ പൂജയും ശനിയാഴ്ചയാണ്. തിരുവാഭരണ ഘോഷയാത്രാ സംഘത്തെ വൈകീട്ട് 5.30ന് ശരംകുത്തിയില്വെച്ച് ദേവസ്വം ഭാരവാഹികളുടെ നേതൃത്വത്തില് സ്വീകരിച്ച് സന്നിധാനത്തേക്ക് ആനയിക്കും. തിരുവാഭരണപ്പെട്ടി കൊടിമര ചുവട്ടില്വെച്ച് ദേവസ്വം വകുപ്പ് മന്ത്രി കെ. രാധാകൃഷ്ണന്, ദേവസ്വം ബോര്ഡ് പ്രസിഡന്റ് അഡ്വ. കെ. അനന്തഗോപന്, ബോര്ഡ് മെമ്പര് അഡ്വ. എം.എസ് ജീവന് തുടങ്ങിയവരുടെ നേതൃത്വത്തില് ഔദ്യോഗികമായി സ്വീകരിക്കും. തുടര്ന്ന് ശ്രീകോവിലിലേക്ക് ആചാരപൂര്വം ആനയിക്കും. തിരുവാഭരണങ്ങള് അണിയിച്ചുകൊണ്ടുള്ള ദീപാരാധന വൈകിട്ട് 6.30 നാണ്. തുടര്ന്നാണ് പൊന്നമ്പലമേട്ടില് മകരജ്യോതി തെളിയുക. രാത്രി 8.45നാണ് ഏറ്റവും വിശേഷപ്പെട്ട മകര സംക്രമ പൂജ. തിരുവിതാംകൂര് കൊട്ടാരത്തില് നിന്ന് പ്രത്യേക ദൂതന്മാരുടെ കൈകളില് കൊടുത്ത് വിടുന്ന നെയ്യ് കൊണ്ടുള്ള അഭിഷേകം…
Read Moreശബരിമല വാര്ത്തകള് /വിശേഷങ്ങള് ( 13/01/2023)
