konnivartha.com: കോന്നി മണ്ഡലത്തിലെ 4 സര്ക്കാര് എല് പി സ്കൂളുകള്ക്ക് പുതിയ കെട്ടിടം: ഉദ്ഘാടനം സെപ്റ്റംബര് 23ന് നടക്കും . പൊതുവിദ്യാഭ്യാസ വകുപ്പ് മന്ത്രി വി ശിവന്കുട്ടി ഉദ്ഘാടനം ചെയ്യും. പ്രമാടം എല് പി സ്കൂള് പ്രമാടം സര്ക്കാര് എല് പി സ്കൂള് പുതിയ കെട്ടിടം സെപ്റ്റംബര് 23 (ചൊവ്വ) രാവിലെ 10 ന് പൊതുവിദ്യാഭ്യാസ വകുപ്പ് മന്ത്രി വി ശിവന്കുട്ടി ഉദ്ഘാടനം ചെയ്യും. കെ.യു ജനീഷ് കുമാര് എംഎല് എ അധ്യക്ഷനാകും. ആന്റോ ആന്റണി എംപി, ജില്ലാ കലക്ടര് എസ് പ്രേം കൃഷ്ണന്, ജില്ലാ പഞ്ചായത്ത് പ്രസിഡന്റ് ജോര്ജ് എബ്രഹാം, കോന്നി ബ്ലോക്ക് പഞ്ചായത്ത് പ്രസിഡന്റ് വി.എം അമ്പിളി, പ്രമാടം ഗ്രാമപഞ്ചായത്ത് പ്രസിഡന്റ് എന് നവനിത്ത്, ത്രിതല പഞ്ചാത്തംഗങ്ങള്, വകുപ്പ് ഉദ്യോഗസ്ഥര്, രാഷ്ട്രീയ പാര്ട്ടി പ്രതിനിധികള് തുടങ്ങിയവര് പങ്കെടുക്കും. മലയാലപ്പുഴ എല്പി സ്കൂള് …
Read Moreടാഗ്: pathanamthitta news
പ്രവാസി സംരംഭകര്ക്കായി പത്തനംതിട്ടയില് പരിശീലന പരിപാടി
പ്രവാസി സംരംഭകര്ക്കായി നോര്ക്ക റൂട്ട്സ്-സി.എം.ഡി എന്.ഡി.പി.ആര്.ഇ.എം പരിശീലന പരിപാടി സെപ്റ്റംബര് 18 ന് പത്തനംതിട്ടയില് konnivartha.com: പ്രവാസികൾക്കും തിരിച്ചെത്തിയ പ്രവാസികൾക്കുമായി നോർക്കാ റൂട്ട്സ്സും സംസ്ഥാന സര്ക്കാര് സ്ഥാപനമായ സെൻ്റർ ഫോർ മാനേജ്മെൻ്റ് ഡവലപ്പ്മെൻ്റും (സി.എം.ഡി) സംയുക്തമായി സംഘടിപ്പിക്കുന്ന എന്.ഡി.പി.ആര്.ഇ.എം പരിശീലന പരിപാടി 2025 സെപ്റ്റംബര് 18 ന് പത്തനംതിട്ടയില്. പങ്കെടുക്കാന് താല്പര്യമുള്ളവര്ക്ക് ശില്പശാല നടക്കുന്ന ഹെഡ് പോസ്റ്റ് ഓഫീസിന് എതിർവശത്തുളള വൈ.എം.സി.എ ഹാളില് (കോളേജ് റോഡ്, പത്തനംതിട്ട) രാവിലെ 9.30 മുതല് രജിസ്റ്റര് ചെയ്യാവുന്നതാണ്. തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കിവരുന്ന പദ്ധതിയാണ് നോര്ക്ക ഡിപ്പാര്ട്മെന്റ് പ്രോജക്ട് ഫോര് റിട്ടേണ്ഡ് എമിഗ്രന്സ് അഥവ എന്.ഡി.പി.ആര്.ഇ.എം. ഉചിതമായ സംരംഭങ്ങൾ തിരഞ്ഞെടുക്കുന്നതിനും പദ്ധതി നടപ്പിലാക്കുന്നതിനാവശ്യമായ സാമ്പത്തിക, നിയമ, മാനേജ്മെൻ്റ് മേഖലകളെ സംബന്ധിച്ചുള്ള മാർഗനിർദ്ദേശങ്ങളും ലഭ്യമാകുന്നതാണ് പരിശീലനം. വിശദ വിവരങ്ങൾക്ക് സെൻ്റർ ഫോർ മാനേജ്മെൻ്റ്…
Read Moreഅന്തിമ വോട്ടര് പട്ടികയില് പത്തനംതിട്ട ജില്ലയില് 10.51 ലക്ഷം വോട്ടര്മാര്
konnivartha.com: തദ്ദേശസ്ഥാപനങ്ങളുടെ വോട്ടര്പട്ടികയില് പത്തനംതിട്ട ജില്ലയില് ആകെ 10,51,043 വോട്ടര്മാര്. തദ്ദേശസ്ഥാപനങ്ങളിലെ വാര്ഡ് പുനര്വിഭജനത്തിന് ശേഷം പുതിയ വാര്ഡുകളിലെ പോളിംഗ് സ്റ്റേഷനടിസ്ഥാനത്തിലാണ് പുതുക്കിയ അന്തിമവോട്ടര്പട്ടിക തയ്യാറാക്കിയത്. 4,84,850 പുരുഷന്മാരും 5,66,190 സ്ത്രീകളും 3 ട്രാന്സ്ജെന്ഡേഴ്സുമാണ് പട്ടികയില് ഉള്ളത്. 2025 ജനുവരി ഒന്നിനോ അതിന് മുമ്പോ 18 വയസ്സ് പൂര്ത്തിയായവരെ ഉള്പ്പെടുത്തിയാണ് പട്ടിക തയ്യാറാക്കിയത്. ഇതിനു പുറമെ പ്രവാസി വോട്ടര്പട്ടികയില് ആകെ 41 പേരുണ്ട്. വോട്ടര്പട്ടിക കമ്മീഷന്റെ sec.kerala.gov.in വെബ്സൈറ്റിലും തദ്ദേശസ്ഥാപനങ്ങളിലും താലൂക്ക്, വില്ലേജ് ഓഫീസുകളിലും പരിശോധനയ്ക്ക് ലഭിക്കും. കരട് വോട്ടര്പട്ടിക സംബന്ധിച്ച് ഓഗസ്റ്റ് 12 വരെ ലഭിച്ച അപേക്ഷകളും ആക്ഷേപങ്ങളും പരിശോധിച്ചും ഹീയറിംഗ് നടത്തിയുമാണ് ഇലക്ടറല് രജിസ്ട്രേഷന് ഓഫീസര്മാര് (ഇ.ആര്.ഒ) അന്തിമ വോട്ടര്പട്ടിക തയ്യാറാക്കിയത്. സംക്ഷിപ്ത പുതുക്കലിനായി ജൂലൈ 23 ന് പ്രസിദ്ധീകരിച്ച കരട് വോട്ടര്പട്ടികയില് ജില്ലയില് ആകെ 10,20,398 വോട്ടര്മാരാണുണ്ടായിരുന്നത്. വോട്ടര്പട്ടികയില് പേരു ചേര്ക്കാന്…
Read Moreഅച്ചൻകോവിലാറിൽ ഒഴുക്കിൽപ്പെട്ട് കാണാതായ വിദ്യാര്ത്ഥിയുടെ മൃതദേഹം കണ്ടെത്തി
പത്തനംതിട്ട കല്ലറക്കടവ് അച്ചൻകോവിലാറിൽ ഒഴുക്കിൽപ്പെട്ട പത്തനംതിട്ട മർത്തോമ ഹയർ സെക്കന്ററി സ്കൂൾ 9ക്ലാസ് വിദ്യാർത്ഥി ,പാറൽ കുംബാങ്ങൽ ഓലിപ്പാട്ട് നിസാമുദ്ദീന്റെ മകൻ നബീൽ നിസാമിന്റെ മ്യതദ്ദേഹം കല്ലറക്കടവിൽ നിന്നും രാവിലെ കിട്ടി. ഖബറടക്കം പാറൽ ജുംആ മസ്ജിദ് ഖബർസ്ഥാനിൽ.
Read Moreവിലക്കയറ്റം തടയാന് സര്ക്കാര് നടത്തുന്നത് കൃത്യമായ ഇടപെടല് : മന്ത്രി വീണാ ജോര്ജ്
konnivartha.com: പൊതുവിപണിയില് ഭക്ഷ്യസാധനങ്ങളുടെ വിലക്കയറ്റം തടയാന് കൃത്യമായ ഇടപെടലാണ് സര്ക്കാര് നടത്തുന്നതെന്ന് ആരോഗ്യവകുപ്പ് മന്ത്രി വീണാ ജോര്ജ്. പൊതുവിതരണ വകുപ്പും സിവില് സപ്ലൈസ് കോര്പറേഷനും ചേര്ന്ന് ഒരുക്കിയ ജില്ലാ ഓണം ഫെയര് പത്തനംതിട്ട മാക്കാംകുന്ന് താഴെതെക്കേതില് കെട്ടിടത്തില് ഉദ്ഘാടനം ചെയ്യുകയായിരുന്നു മന്ത്രി. അവശ്യസാധനങ്ങള് ന്യായവിലയില് സപ്ലൈകോ വഴി ലഭ്യമാക്കുന്നു. സംസ്ഥാനത്ത് സപ്ലൈകോയില് ജൂലൈ മാസം 168 കോടി രൂപയുടെ വിറ്റുവരവ് ഉണ്ടായി. 60 കോടി രൂപയുടെ സബ്സിഡി ഉല്പന്നങ്ങള് പൊതുജനങ്ങള്ക്ക് വിതരണം ചെയ്തു. 32 ലക്ഷത്തോളം ഉപഭോക്താക്കള് സപ്ലൈകോയുടെ വില്പനശാലകളെ ആശ്രയിച്ചു. വിഷരഹിത പച്ചക്കറികൃഷി പ്രോത്സാഹിപ്പിക്കുകയും മായമില്ലാത്ത ഭക്ഷണ പദാര്ഥങ്ങള് ലഭ്യമാക്കുകയാണ് സര്ക്കാര് ലക്ഷ്യം. ഭക്ഷ്യസുരക്ഷ വകുപ്പിന്റെ നേതൃത്വത്തില് സംസ്ഥാനത്തുടനീളം നടത്തിയ പരിശോധനയില് 10000 ലിറ്ററോളം മായം കലര്ന്ന വെളിച്ചെണ്ണ പിടിച്ചെടുത്തതായും മന്ത്രി പറഞ്ഞു. സഞ്ചരിക്കുന്ന ഓണചന്തയുടെ ഫ്ളാഗ് ഓഫ് മന്ത്രി നിര്വഹിച്ചു. ജില്ലാ സപ്ലൈ…
Read Moreദേശീയ ലോക് അദാലത്ത് സെപ്തംബര് 13ന്
konnivartha.com:കേരള സ്റ്റേറ്റ്, ജില്ലാ ലീഗല് സര്വീസസ് അതോറിറ്റികള്, വിവിധ താലൂക്ക് ലീഗല് സര്വീസസ് കമ്മിറ്റികള് എന്നിവയുടെ ആഭിമുഖ്യത്തില് സെപ്തംബര് 13ന് ദേശീയ ലോക് അദാലത്ത് നടത്തും. പത്തനംതിട്ട ജില്ല, തിരുവല്ല, റാന്നി, അടൂര് കോടതി സമുച്ചയങ്ങളിലാണ് അദാലത്ത്. വിവിധ ദേശസാല്കൃത ബാങ്കുകളുടെയും സ്വകാര്യ ധനകാര്യസ്ഥാപനങ്ങളുടെയും പരാതികളും കോടതിയുടെ പരിഗണനയിലില്ലാത്ത വ്യക്തികളുടെ പരാതികള്, ജില്ലാ നിയമ സേവന അതോറിറ്റികള് മുമ്പാകെ നല്കിയ പരാതികള്, നിലവില് കോടതിയില് പരിഗണനയിലുള്ള സിവില് കേസുകള്, ഒത്തുതീര്പ്പാക്കാവുന്ന ക്രിമിനല് കേസുകള്, മോട്ടര് വാഹന അപകട തര്ക്കപരിഹാര കേസുകള്, ബിഎസ്എന്എല്, വാട്ടര് അതോറിറ്റി, വൈദ്യുതി ബോര്ഡ്, രജിസ്ട്രേഷന് വകുപ്പ്, റീജിയണല് ട്രാന്സ്പോര്ട്ട് ഓഫീസ് മുമ്പാകെയുളള കേസുകളും, കുടുംബകോടതിയിലുള്ളവയും പരിഗണിക്കും. ഫോണ്: 0468 2220141.
Read Moreസ്റ്റുഡന്റ്സ് പോലീസ് കേഡറ്റുകള്ക്ക് അവധി ദിനങ്ങളിലും യാത്ര കണ്സഷന് നല്കണം
konnivartha.com: സ്റ്റുഡന്റസ് പോലീസ് കേഡറ്റുകള്ക്ക് അവധി ദിനങ്ങളില് യാത്രാ കണ്സെഷന് നല്കാത്ത ബസ് ഓപ്പറേറ്റര്മാര്ക്കെതിരെ കര്ശന നടപടി സ്വീകരിക്കുമെന്ന് പത്തനംതിട്ട റീജിയണല് ട്രാന്സ്പോര്ട്ട് ഓഫീസര് അറിയിച്ചു. അവധി ദിവസങ്ങളില് സ്റ്റുഡന്റ്സ് പൊലീസ് കേഡറ്റുകള്ക്ക് ബസില് നിയമാനുസൃത യാത്ര കണ്സെഷന് നല്കുന്നതിന് ബസ് ഓപ്പറേറ്റര്മാര് വിമുഖത കാട്ടുന്നുണ്ട്. ഇതു സംബന്ധിച്ച് സംസ്ഥാന പൊലിസ് മേധാവി, സ്റ്റുഡന്റ്സ് പൊലീസ് കേഡറ്റ് നോഡല് ഓഫീസര് എന്നിവരില് നിന്നും ട്രാന്സ്പോര്ട്ട് കമ്മീഷണര്ക്ക് അറിയിപ്പ് ലഭിച്ചിരുന്നു. അവധി ദിവസങ്ങളില് നിയമാനുസൃത യാത്ര കണ്സെഷന് നല്കണമെന്ന് 2011 ല് ഉത്തരവുണ്ട്. ബസ് ഓപ്പറേറ്റര്മാര് ഉത്തരവ് കര്ശനമായി പാലിക്കണമെന്നും ലംഘിക്കുന്നവര്ക്കെതിരെ നടപടി സ്വീകരിക്കുമെന്നും ആര്റ്റിഒ അറിയിച്ചു.
Read Moreഓഗസ്റ്റ് 20 മുതല് ചിറ്റാര് മുതല് മണക്കയം പാലം വരെ ഗതാഗത നിരോധനം
konnivartha.com: ചിറ്റാര് മുതല് മണക്കയം പാലം വരെയുളള റോഡില് കലുങ്കിന്റെ നിര്മാണ പ്രവൃത്തികള് ആരംഭിക്കുന്നതിനാല് ഓഗസ്റ്റ് 20 മുതല് ഇതുവഴിയുളള ഗതാഗതം പൂര്ണമായി നിരോധിക്കും. ചിറ്റാര് ഭാഗത്തേക്ക് പോകേണ്ട വാഹനങ്ങള് ഫോറസ്റ്റ് പടി- ചിറ്റാര് റോഡും ഭാരവാഹനങ്ങള് വടശ്ശേരിക്കര ചിറ്റാര് റോഡും ഉപയോഗിക്കണമെന്ന് പൊതുമരാമത്ത് നിരത്ത് റാന്നി ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയര് അറിയിച്ചു. ഫോണ് : 04735 224757
Read Moreസിപിഐ പത്തനംതിട്ട ജില്ലാ സമ്മേളനം കോന്നിയിൽ നടക്കും ( ഓഗസ്റ്റ് 14,15,16 )
konnivartha.com: സിപിഐ പത്തനംതിട്ട ജില്ലാ സമ്മേളനം ഓഗസ്റ്റ് 14,15,16 തീയതികളിൽ കോന്നിയിൽ നടക്കും. 14ന് കവിയൂർ കോട്ടൂർ കുഞ്ഞു കുഞ്ഞ് സ്മൃതി മണ്ഡപത്തിൽ നിന്നും സി പി ഐ ജില്ലാ എക്സിക്യൂട്ടീവ് അംഗം അഡ്വ ശരത്ചന്ദ്രകുമാർ ജാഥാ ക്യാപ്റ്റനായി ആരംഭിക്കുന്ന പതാക ജാഥ സിപിഐ ജില്ലാ അസിസ്റ്റന്റ് സെക്രട്ടറി അഡ്വ കെ ജി രതീഷ് കുമാർ ഉദ്ഘാടനം ചെയ്യും. സിപിഐ പത്തനംതിട്ട ജില്ലാ സെക്രട്ടറി സി കെ ശശിധരൻ ഏറ്റുവാങ്ങും. ആർ രവീന്ദ്രൻ സ്മൃതി മണ്ഡപത്തിൽ നിന്നും വിപിൻ എബ്രഹാം ക്യാപ്റ്റനായി ആരംഭിക്കുന്ന ദീപശിഖ ജാഥ സിപിഐ ജില്ലാ സെക്രട്ടറി സി കെ ശശിധരൻ ഉദ്ഘാടനം ചെയ്യും. സിപിഐ ജില്ലാ എക്സിക്യൂട്ടീവ് അംഗം എം പി മണിയമ്മ ദീപശിഖ ഏറ്റുവാങ്ങും. എം സുകുമാരപിള്ള മണ്ഡപത്തിൽ നിന്നും അടൂർ സേതു ക്യാപ്റ്റനായി ആരംഭിക്കുന്ന ബാനർ ജാഥഡെപ്യൂട്ടി സ്പീക്കർ…
Read Moreപത്തനംതിട്ട കലക്ടറേറ്റ് മതിലില് ഭൈരവിക്കോലം തെളിഞ്ഞു
konnivartha.com: പത്തനംതിട്ട ജില്ലയുടെ പ്രാചീന സംസ്കാരത്തിന്റെ പ്രതീകമായ’പടയണി’ ഇനി കലക്ടറേറ്റ് മതിലിലും. പത്തനംതിട്ട നഗരസഭയും ജില്ലാ ഭരണകൂടവും സംയുക്തമായാണ് കലക്ടറേറ്റ് ചുറ്റുമതിലില് ഭൈരവി കോലം ഒരുക്കിയത്. പൊതു ഇടങ്ങള് ശുചിയായും ആകര്ഷകമായും സൂക്ഷിക്കുക, ജില്ലയുടെ സാംസ്കാരിക പൈതൃകം ഉയര്ത്തിക്കാട്ടുക എന്നതാണ് ചിത്രത്തിന് പിന്നിലെ ലക്ഷ്യം. ചായക്കൂട്ടുകളാല് ചുമരില് തീര്ത്ത പടയണി പാളക്കോലം കാഴ്ചക്കാര്ക്ക് കൗതുകമുണര്ത്തുന്നു. പടയണിയിലെ ഏറ്റവും വലിയ കോലമായ ഭൈരവി സുസ്ഥിരത, സ്ത്രീശാക്തീകരണം, നിര്ഭയത്വം എന്നിവ പ്രതിഫലിപ്പിക്കുന്നു. കാതോലിക്കേറ്റ് കോളേജിലെ വിദ്യാര്ഥികളും പൂര്വവിദ്യാര്ഥികളുമായ കെ എ അഖില് കുമാര്, ആര് അജേഷ് ലാല്, അഖില് ഗിരീഷ് എന്നിവര് ചിത്രരചനയ്ക്ക് ചുക്കാന് പിടിച്ചത്. മാതൃകാ രൂപം തയ്യാറാക്കിയത് റംസി ഫാത്തിമ, ടി എ നന്ദിനി എന്നിവരാണ്. പ്രകൃതിദത്ത നിറങ്ങളും വസ്തുക്കളുമുപയോഗിച്ചാണ് വര.
Read More