വര്ണശബളം ഈ നെല്ച്ചെടികള് :ജപ്പാന് വയലറ്റ് കൃഷിയിറക്കി മാവര പാടശേഖര സമിതി പന്തളം തെക്കേക്കര ഗ്രാമപഞ്ചായത്തിലെ മാവര പാടശേഖരത്തില് വളരുന്നത് വര്ണശബളമായ നെല്ച്ചെടികള്. ഗുണമേന്മയുള്ള നെല്ലിനം കര്ഷകര്ക്കിടയില് വ്യാപിപ്പിക്കുന്നതിന്റെ ഭാഗമായി പരീക്ഷണാടിസ്ഥാനത്തില് പഞ്ചായത്ത് ആദ്യമായാണ് ‘ജപ്പാന് വയലറ്റ്’ കൃഷിയിറക്കിയത്. 2024- 25 പദ്ധതിയില് ഉള്പ്പെടുത്തി കൃഷി ഭവനില് നിന്നും സൗജന്യമായി 20 കിലോ വിത്തുകള് നല്കി. മാവര പാടശേഖര സമിതിയുടെ അര ഏക്കറില് ബിന്ദു എന്ന കര്ഷകയുടെ നേതൃത്വത്തിലാണ് കൃഷി. ചാണകം, കമ്പോസ്റ്റ്, പച്ചിലവളം എന്നിവയാണ് ഉപയോഗിക്കുന്നത്. മറ്റു നെല്ലിനങ്ങളെ അപേക്ഷിച്ച് ദ്രുതഗതിയിലുള്ള വളര്ച്ച ജപ്പാന് വയലറ്റിനുണ്ട്. വിളവെടുപ്പിന് 110 ദിനം ആവശ്യം. കീടപ്രതിരോധശേഷി കൂടിയ നെല്ലിനത്തിന്റെ ഉത്ഭവം ജപ്പാനിലാണ്. ഉയര്ന്ന ധാതുക്കളുടെ സാന്നിധ്യത്തോടൊപ്പം വിവിധ പോഷകങ്ങളുടെ ഉറവിടം കൂടിയാണ് വയലറ്റ് നെല്ലിനമെന്ന് കൃഷി ഓഫീസര് സി ലാലി സാക്ഷ്യപ്പെടുത്തി. നാരുകള്, വിറ്റാമിനുകള്, ധാതുക്കള് എന്നിവയാല് സമ്പന്നം.…
Read Moreപത്തനംതിട്ട ജില്ല :പ്രധാന അറിയിപ്പുകള് ( 26/03/2025 )
