ആരോഗ്യ മന്ത്രി വീണാ ജോര്ജ് ഉദ്ഘാടനം ചെയ്തു ശബരിമല മണ്ഡല-മകരവിളക്ക് തീര്ഥാടനത്തോടനുബന്ധിച്ച് തീര്ഥാടകര്ക്കായി പത്തനംതിട്ട ജനറല് ആശുപത്രിയില് പ്രത്യേക ശബരിമല വാര്ഡ് ആരംഭിച്ചു. തീര്ഥാടന കാലയളവിലെ ബേയ്സ് ആശുപത്രിയായ പത്തനംതിട്ട ജനറല് ആശുപത്രിയില് ആരംഭിച്ചിരിക്കുന്ന പ്രത്യേക വാര്ഡില് 18 കിടക്കകളും നാല് ഐ.സി.യു കിടക്കകളുമാണ് സജീകരിച്ചിരിക്കുന്നത്. കിടക്കകള് ഉള്പ്പെടെയുള്ള വാര്ഡിലെ സൗകര്യങ്ങള് തീര്ഥാടകര്ക്ക് സൗജന്യമാണെന്ന് വാര്ഡ് ഉദ്ഘാടനം വീഡിയോ കോണ്ഫന്സിലൂടെ നിര്വഹിച്ച് ആരോഗ്യവകുപ്പ് മന്ത്രി വീണാ ജോര്ജ് പറഞ്ഞു. വാര്ഡില് അഞ്ച് സ്പെഷലിസ്റ്റ് ഡോക്ടര്മാര്, കൂടാതെ നഴ്സുമാര്, അറ്റന്ഡറുമാര് ഉള്പ്പെടെ ഉണ്ടാകും. കാത്ത് ലാബ്, ലബോറട്ടറി പരിശോധനകള് സി.ടി ഉള്പ്പടെയുള്ള മറ്റ് പരിശോധനകള്, മരുന്നുകള് എന്നിവയും തീര്ഥാടകര്ക്ക് ലഭ്യമാകും. സംസ്ഥാനത്തെ വിവിധ ആശുപത്രികളില് നിന്ന് ഫിസിഷ്യന്, സര്ജന്, ഓര്ത്തോ, അനസ്തേഷ്യ വിഭാഗത്തിലുള്ള സ്പെഷ്യലിസ്റ്റ് ഡോക്ടര്മാരുടേയും, മറ്റ് ജീവനക്കാരുടേയും സേവനം അധികമായി ആശുപത്രിയില് ലഭ്യമാണ്. അടിയന്തര ഘട്ടത്തില്…
Read Moreപത്തനംതിട്ട ജനറല് ആശുപത്രിയില് ശബരിമല തീര്ഥാടകര്ക്ക് പ്രത്യേക വാര്ഡ് ആരംഭിച്ചു
