konnivartha.com: കോന്നി കൾച്ചറൽ ഫോറത്തിന്‍റെ ആഭിമുഖ്യത്തിൽ പ്രമാടം രാജീവ് ഗാന്ധി ഇൻഡോർ സ്റ്റേഡിയത്തിൽ നടക്കുന്ന കോന്നി ഫെസ്റ്റിന് തിരക്കേറി. വ്യാപാര-വിജ്ഞാന-പുഷ്പോത്സവ കലാമേളയിൽ നിരവധി പുതുമകളാണ് സമന്വയിച്ചിരിക്കുന്നത്. 100 ൽ പരം വ്യാപാര സ്റ്റാളുകൾ, ഓട്ടോ സോൺ, കുട്ടികൾക്കുള്ള വിനോദങ്ങൾ, പുഷ്പ- ഫല പ്രദർശനം, രുചികരമായ ഭക്ഷ്യശാല, വിദ്യാർത്ഥികൾക്കുള്ള വൈവിദ്ധ്യമായ മത്സരങ്ങൾ, പ്രശസ്ത കലാകാരന്മാർ അണിനിരക്കുന്ന കലാസന്ധ്യകൾ തുടങ്ങിയവ കോന്നി ഫെസ്റ്റിന്റെ ഭാഗമായി ഒരുക്കിയിരിക്കുന്നു.
കുട്ടികൾക്കുള്ള വിനോദങ്ങൾ ഫുഡ് കോർട്ട് വിദ്യാർത്ഥികൾക്കും മുതിർന്നവർക്കുള്ള മത്സരങ്ങൾ കലാസന്ധ്യ എന്നിവ വിവിധ ദിവസങ്ങളിൽ നടക്കും .കോന്നി നിയോജകമണ്ഡലത്തിലെ വിവിധ മേഖലകളിൽ പെട്ട ശ്രദ്ധേയരായ വ്യക്തിത്വങ്ങൾക്ക് കോന്നി ഫെസ്റ്റിവൽ ആദരവ് നൽകുന്നു
സിനിമാ സീരിയൽ താരങ്ങളും ടെലിവിഷൻ പരിപാടികളോടെ ശ്രദ്ധേയരായ കലാകാരന്മാരും അണിനിരക്കുന്ന വിവിധ കലാസംഘങ്ങളുടെ പരിപാടികൾ തുടർന്നുള്ള ഓരോ ദിവസങ്ങളിലും ഉണ്ടായിരിക്കും.
ക്രിസ്മസ് ഗാനാലാപന മത്സരം ചലച്ചിത്ര ഗാനാലാപന മത്സരം ചിത്രരചനാ മത്സരം സിനിമാറ്റിക് ഡാൻസ് മത്സരം തുടങ്ങിയവയും കോന്നി ഫെസ്റ്റിന്റെ ഭാഗമായി ഒരുക്കിയിട്ടുണ്ട്
ഡിസംബർ 25ന് രാത്രി ഏഴിന് ക്രിസ്മസ് ആഘോഷം പ്രശസ്ത ഗായകൻ കെ ജി മാർക്കോസ് ഉദ്ഘാടനം ചെയ്യും
ഡിസംബർ 27ന് കോന്നി നിയോജകമണ്ഡലത്തിലെ നൃത്ത അധ്യാപകരെ ആദരിക്കുന്ന ദേവാങ്കണം ഗാനരചയിതാവ് കൈതപ്രം ദാമോദരൻ നമ്പൂതിരി ഉദ്ഘാടനം ചെയ്യും