konnivartha.com: കോന്നി മങ്ങാരം ചിറ്റൂര്‍ ചാവരു കാവിലെ പത്താമത് ചന്ദ്രപ്പൊങ്കാല 2025 ജനുവരി 19 ഞായറാഴ്ച വൈകിട്ട് 6 .30 കഴിഞ്ഞു നടക്കുമെന്ന് ഭാരവാഹികൾ അറിയിച്ചു .
അന്നേദിവസം രാവിലെ അഞ്ചുമണിമുതല്‍ കാവ് ഉണർത്തല്‍ സുപ്രഭാതം കലശപൂജ തിരുമുമ്പിൽ നെൽപ്പറയിടീല്‍ ഭാഗവത പാരായണം എന്നിവയും തുടർന്ന് ഉച്ചയ്ക്ക് 12ന് സമൂഹസദ്യയും നടക്കും .
വൈകിട്ട് നടക്കുന്ന ചന്ദ്ര പൊങ്കാലയുടെ മുഖ്യ അതിഥിയായി ടിവി സീരിയൽ താരം കുമാരി മീരാ മഹേഷ് പങ്കെടുക്കുമെന്നും ഭാരവാഹികൾ പറഞ്ഞു. കോന്നി പഞ്ചായത്ത് വൈസ് പ്രസിഡണ്ട് റോജി എബ്രഹാം ഭദ്ര ദീപം തെളിയിക്കും . ബ്ലോക്ക് പഞ്ചായത്ത് മെമ്പർ തുളസീമണിയമ്മ ഭണ്ടാര അടുപ്പിൽ ദീപം പകരും.
കോന്നി ബ്ലോക്ക് പഞ്ചായത്ത് മെമ്പര്‍ ജോളി ഡാനിയേൽ ഭണ്ടാരത്തില്‍ അരിയിടും. പഞ്ചായത്ത് മെമ്പര്‍ സോമന്‍ പിള്ള മുതിർന്നവരെ ആദരിക്കും .മെമ്പര്‍മാരായ സിന്ധു സന്തോഷ്‌ , അര്‍ച്ചന ബാലന്‍ എന്നിവര്‍ എസ്എസ്എൽസി പ്ലസ് ടു പ്രൊഫഷണൽ കോഴ്സ് വിജയികളെ ആദരിക്കും
രാത്രി 7 മണി മുതൽ ഭക്തി ഗാനാമൃതം തുടർന്ന് 8 .30ന് വിവിധ കലാപരിപാടികൾ കോൽക്കളി തിരുവാതിരകളി കൈകൊട്ടിക്കളി സിനിമാറ്റിക് ഡാൻസ് എന്നിവ നടക്കുമെന്ന് പ്രസിഡണ്ട് സുകു .കെ സെക്രട്ടറി രാജേഷ്, ഖജാൻജിസുരേഷ് , വൈസ് പ്രസിഡണ്ട് ഓമനക്കുട്ടൻ ജോയിൻ സെക്രട്ടറി ഭാസ്കരൻ ജനറൽ കൺവീനർ പ്രദീപ് ,ജോയിൻ കൺവീനർ രവി എസ് കുറ്റിയില്‍ എന്നിവർ അറിയിച്ചു