പന്തളം തെക്കേക്കര ഗ്രാമപഞ്ചായത്ത് ‘സ്‌നേഹസ്പര്‍ശം’ വയോജന സംഗമം നടത്തി
വയോജനങ്ങളുടെ കലാപരമായ കഴിവുകള്‍ പ്രകടിപ്പിക്കുന്നതിനും, വയോജനങ്ങളുടെ കൂട്ടായ്മ രൂപപ്പെടുത്തുന്നതിനും വേണ്ടി പന്തളം തെക്കേക്കര ഗ്രാമ പഞ്ചായത്ത് ജനകീയാസൂത്രണ പദ്ധതിയില്‍ ഉള്‍പ്പെടുത്തി വയോജനസംഗമം’സ്‌നേഹസ്പര്‍ശം ‘നടത്തി.
തട്ടയില്‍ സര്‍ക്കാര്‍ എല്‍.പി സ്‌കൂളില്‍ നടന്ന സംഗമം ഫോക് ലോര്‍ അക്കാദമി അംഗം അഡ്വ : സുരേഷ്‌സോമ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് എസ്. രാജേന്ദ്രപ്രസാദ് അധ്യക്ഷത വഹിച്ചു. വൈസ് പ്രസിഡന്റ് റാഹേല്‍, സ്ഥിരം സമിതി ചെയര്‍മാന്‍മാരായ വി.പി വിദ്യാധരപ്പണിക്കര്‍, പ്രിയാ ജ്യോതികുമാര്‍, എന്‍.കെ. ശ്രീകുമാര്‍ അംഗങ്ങളായ ശ്രീവിദ്യ, പൊന്നമ്മ വര്‍ഗീസ്, കുടുംബശ്രി ചെയര്‍പേഴ്‌സണ്‍ രാജി പ്രസാദ്, സെക്രട്ടറി സി.എസ് കൃഷ്ണകുമാര്‍, സൂപ്പര്‍വൈസര്‍ സബിത, അങ്കണവാടി വര്‍ക്കര്‍മാര്‍ എന്നിവര്‍ പങ്കെടുത്തു. വയോജനങ്ങള്‍ കലാപരിപാടികള്‍ നടത്തി. പാട്ടും പറച്ചിലുമായി വയോജനങ്ങള്‍ നല്ല കൂട്ടായ്മ സൃഷ്ടിച്ചു
അക്കൗണ്ടന്റ് നിയമനം
കുടുംബശ്രീ പന്തളം ബ്ലോക്കില്‍ പ്രവര്‍ത്തനം ആരംഭിക്കുന്ന മൈക്രോ എന്റര്‍പ്രൈസസ് റിസോഴ്‌സ് സെന്ററിലേക്ക് അക്കൗണ്ടന്റ് തസ്തികയിലേക്ക് കരാര്‍ അടിസ്ഥാനത്തില്‍ അപേക്ഷ ക്ഷണിച്ചു. യോഗ്യത : എം കോം, ടാലി, ഡിപ്ലോമ ഇന്‍ കമ്പ്യൂട്ടര്‍ അപ്ലിക്കേഷന്‍. ഒരു വര്‍ഷത്തെ പ്രവൃത്തി പരിചയം.കുടുംബശ്രീ ഓക്‌സിലിയറി ഗ്രൂപ്പ് അംഗങ്ങള്‍ക്ക് മുന്‍ഗണന. പന്തളം ബ്ലോക്കിലെ സ്ഥിര താമസക്കാര്‍ അയിരിക്കണം. പ്രായപരിധി : 20 നും 35 നും മധ്യേ (2024 ഡിസംബര്‍ 19 ന്). വേതനം : 20000 രൂപ.
അപേക്ഷ, പാസ്‌പോര്‍ട്ട് സൈസ് ഫോട്ടോ, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റിന്റെ കോപ്പി, ആധാര്‍ കാര്‍ഡ് കോപ്പി, സി.ഡി,എസ് ചെയര്‍പേഴ്‌സന്റെ സാക്ഷ്യപത്രം എന്നിവ ഡിസംബര്‍ 31 നു വൈകുന്നേരം അഞ്ചിന് മുമ്പ് ജില്ലാ മിഷന്‍ കോ ഓര്‍ഡിനേറ്റര്‍, മൂന്നാം നില, കളക്‌ട്രേറ്റ് , പത്തനംതിട്ട വിലാസത്തില്‍ നേരിട്ടോ തപാല്‍ വഴിയോ എത്തിക്കണം. അപേക്ഷയുടെ പുറത്ത് എം.ഇ.ആര്‍.സി അക്കൗണ്ടന്റ് നിയമന അപേക്ഷ എന്ന് രേഖപെടുത്തണം. എഴുത്തു പരീക്ഷ, ഇന്റര്‍വ്യൂ എന്നിവയുടെ അടിസ്ഥാനത്തില്‍ ആയിരിക്കും നിയമനം. ഫോണ്‍ : 04682221807 ഇ-മെയില്‍: [email protected]
റാങ്ക് പട്ടിക
വനം വകുപ്പില്‍ ബീറ്റ് ഫോറസ്റ്റ് ഓഫീസര്‍ ഫസ്റ്റ് എന്‍സിഎ വിശ്വകര്‍മ (കാറ്റഗറി നമ്പര്‍ : 558/2022) ,ഫസ്റ്റ് എന്‍സിഎ മുസ്്‌ലീം (കാറ്റഗറി നമ്പര്‍ : 303/2022) തസ്തികകളുടെ റാങ്ക് പട്ടിക നിലവില്‍ വന്നതായി ജില്ലാ പിഎസ്‌സി ഓഫീസര്‍ അറിയിച്ചു. ഫോണ്‍ : 0468 2222665.
ടെന്‍ഡര്‍
റാന്നി ഐ.സി.ഡി.എസ് പ്രോജക്ട് വികസന ഓഫീസിന്റെ ഔദ്യോഗിക ആവശ്യത്തിനായി 2025 ജനുവരി ഒന്നു മുതല്‍ ഡിസംബര്‍ 31 വരെ നാല് ചക്രവാഹനം (കാര്‍/ജീപ്പ്) പ്രതിമാസ വാടകയ്ക്ക് നല്‍കുവാന്‍ വാഹന ഉടമകളില്‍ നിന്ന് റീടെന്‍ഡര്‍ ക്ഷണിച്ചു. അവസാന തീയതി ഡിസംബര്‍ 28 ന് ഉച്ചയ്ക്ക് ഒന്നുവരെ. ഫോണ്‍ : 04735 221568
ഇ-മെയില്‍ : [email protected]
(പിഎന്‍പി 2910/24)
വോളണ്ടിയറാകാന്‍ അവസരം
എനര്‍ജി മാനേജ്‌മെന്റ് സെന്ററിന്റെ ആഭിമുഖ്യത്തില്‍ 2025 ഫെബ്രുവരി ഏഴ്, എട്ട്, ഒമ്പത് തീയതികളില്‍ തിരുവനന്തപുരത്ത് നടക്കുന്ന ഇന്റര്‍നാഷണല്‍ എനര്‍ജി ഫെസ്റ്റിവലിലേക്ക് വോളണ്ടിയറാകാന്‍ അവസരം. 2024 ഡിസംബര്‍ മുതല്‍ 2025 ഫെബ്രുവരി വരെ മുഴുവന്‍ സമയപ്രവര്‍ത്തനമാണുളളത്. ബിരുദം ഉളളവര്‍ക്ക് അപേക്ഷിക്കാം. ഇംഗ്ലീഷ്, മലയാളം ഭാഷകള്‍ അറിയണം. മികച്ച ആശയവിനിമയ ശേഷി അഭികാമ്യം. അടിസ്ഥാന കമ്പ്യൂട്ടര്‍ പരിജ്ഞാനം നിര്‍ബന്ധം. സര്‍ക്കാര്‍ പദ്ധതികളുമായി സഹകരിച്ച് പരിചയമുളളവര്‍ക്ക് മുന്‍ഗണന. iefk.in വെബ്‌സൈറ്റില്‍ ലഭ്യമാക്കിയ ഗൂഗിള്‍ ഫോര്‍മാറ്റില്‍ വിവരങ്ങള്‍ രേഖപ്പെടുത്തി ഡിസംബര്‍ 31 നകം രജിസ്ട്രേഷന് പൂര്‍ത്തിയാക്കണം ഫോണ്‍ : 0471 2594922, 9400068335. ഇ-മെയില്‍ : [email protected], ലിങ്ക് : https://forms.gle/
ടെന്‍ഡര്‍
അടൂര്‍ ജനറല്‍ ആശുപത്രിയില്‍ പ്രസവിച്ച അമ്മമാരെയും കുട്ടികളെയും ആശുപത്രിയില്‍ നിന്നും വീട്ടില്‍ എത്തിക്കുന്നതിന് 1200 സിസി ക്ക് മുകളില്‍ നാലുസീറ്റ് ടാക്‌സി കാര്‍ ഉടമകളില്‍ നിന്ന് ടെന്‍ഡര്‍ ക്ഷണിച്ചു. അവസാന തീയതി 2025 ജനുവരി നാല്. ഫോണ്‍ : 04734 223236.
ലേലം
പത്തനംതിട്ട പോലീസ് സ്റ്റേഷന് പിന്‍വശത്തുളള പഴയ പോലീസ് ഹെഡ് ക്വാര്‍ട്ടേഴ്‌സില്‍ സ്ഥിതി ചെയ്യുന്ന തേക്ക്, പുളി, ആഞ്ഞിലി, മഹാഗണി തുടങ്ങിയ മരങ്ങളുടെ ലേലം ജനുവരി മൂന്നിന് രാവിലെ 11 ന് പത്തനംതിട്ട പോലീസ് സ്റ്റേഷന് പരിസരത്ത് നടക്കും. ഫോണ്‍ : 0468 2222630.
ലേലം
റാന്നി പോലീസ് സ്റ്റേഷന് പരിസരത്ത് അപകടകരമായി നില്‍ക്കുന്ന മഹാഗണി, മരുതി, ആല്‍ തുടങ്ങിയ മരങ്ങളുടെ ലേലം ഡിസംബര്‍ 28 ന് രാവിലെ 10.30 ന് റാന്നി പോലീസ് സ്റ്റേഷന് പരിസരത്ത് നടക്കും. ഫോണ്‍ : 0468 2222630.
എംപ്ലോയ്മെന്റ് രജിസ്ട്രേഷന് പുതുക്കാന്‍ അവസരം
വിവിധ കാരണങ്ങളാല്‍ ലാപ്‌സായിട്ടുള്ള 50വയസ് പൂര്‍ത്തിയാകാത്ത (31/12/2024നകം )
ഭിന്നശേഷി ഉദ്യോഗാര്‍ഥികള്‍ക്ക് റദ്ദായ രജിസ്ട്രേഷന് സീനിയോരിറ്റി നിലനിര്‍ത്തി പുതുക്കാന്‍ 2025 മാര്‍ച്ച് 18 വരെ അവസരം. എംപ്ലോയ്മെന്റ് എക്‌സ്‌ചേഞ്ച് മുഖേന ജോലി ലഭിച്ചു നിയമാനുസൃതം വിടുതല്‍ ചെയ്ത സര്‍ട്ടിഫിക്കറ്റ് യഥാസമയം ചേര്‍ക്കാന്‍ കഴിയാതെ സീനിയോരിറ്റി നഷ്ടപ്പെട്ടവര്‍ക്കും എംപ്ലോയ്മെന്റ് എക്‌സ്‌ചേഞ്ച് മുഖേന ലഭിച്ച ജോലി പൂര്‍ത്തിയാക്കാനാകാതെ മെഡിക്കല്‍ ഗ്രൗണ്ടിലോ ഉപരിപഠനത്തിനോ വേണ്ടി വിടുതല്‍ ചെയ്തവര്‍ക്കും എംപ്ലോയ്മെന്റ് എക്‌സ്‌ചേഞ്ച് മുഖേന ജോലി ലഭിച്ചിട്ടും മനപ്പൂര്‍വമല്ലാത്ത കാരണങ്ങളാല്‍ ജോലിയില്‍ പ്രവേശിക്കുവാന്‍ കഴിയാതെ വരുകയോ ബന്ധപ്പെട്ട രേഖകള്‍ യഥാസമയം ഹാജരാക്കുവാന്‍ കഴിയാതെ സീനിയോരിറ്റി നഷ്ടമായവര്‍ക്കും ,എംപ്ലോയ്മെന്റ് എക്‌സ്‌ചേഞ്ച് മുഖേനയല്ലാതെ സ്വകാര്യ മേഖലയില്‍ നിയമനം ലഭിച്ച് 17/02/2009 നു ശേഷം വിടുതല്‍ ചെയ്തിട്ടുള്ള സര്‍ട്ടിഫിക്കറ്റുകള്‍ (ബന്ധപ്പെട്ട ഉദ്യോഗസ്ഥര്‍ സാക്ഷ്യപ്പെടുത്തിയത്) യഥാസമയം ഹാജരാക്കാന്‍ കഴിയാത്തവര്‍ക്കും സീനിയോറിറ്റി പുനസ്ഥാപിക്കാം. ശിക്ഷാ നടപടിയുടെ ഭാഗമായോ മനപൂര്‍വം ജോലിയില്‍ ഹാജരാകാതിരുന്നാലോ സീനിയോരിറ്റി നഷ്ടപ്പെട്ടവര്‍ക്ക് ആനുകൂല്യം ലഭിക്കുന്നതല്ല. പുതുക്കുന്നതിനുള്ള അപേക്ഷ ജില്ലയിലെ എല്ലാ എംപ്ലോയ്മെന്റ് എക്‌സ്‌ചേഞ്ചുകളിലും സ്വീകരിക്കും. അപേക്ഷ എംപ്ലോയ്മെന്റ് ഓഫീസുകളില്‍ നേരിട്ട് ഹാജരായോ ദൂതന്‍ മുഖേനയോ സമര്‍പ്പിക്കാം. എംപ്ലോയ്മെന്റ് രജിസ്ട്രേഷന് കാര്‍ഡും അസല്‍ സര്‍ട്ടിഫിക്കറ്റുകളും, ഡിസെബിലിറ്റി സര്‍ട്ടിഫിക്കറ്റും സഹിതം ഹാജരാകണം. ഫോണ്‍ : 0468-2222745.
കെല്‍ട്രോണില്‍ ജേണലിസം ഡിപ്ലോമ
തിരുവനന്തപുരം കെല്‍ട്രോണ്‍ സെന്റ്ററില്‍ ജേണലിസം ഡിപ്ലോമ കോഴ്‌സുകള്‍ക്ക് അപേക്ഷിക്കാം. യോഗ്യത പ്ലസ്ടു. പ്രായപരിധി ഇല്ല. പഠനകാലയളവില്‍ മാധ്യമസ്ഥാപനങ്ങളില്‍ പരിശീലനം, ഇന്റേണ്‍ഷിപ്പ് എന്നിവ ലഭിക്കും. പത്രപ്രവര്‍ത്തനം, ടെലിവിഷന്‍ ജേണലിസം, ഓണ്‍ലൈന്‍ ജേണലിസം, ആര്‍ട്ടിഫിഷ്യല്‍ ഇന്റലിജന്‍സ് അധിഷ്ഠിത മാധ്യമ പ്രവര്‍ത്തനം, വാര്‍ത്താ അവതരണം, ആങ്കറിങ്ങ്, പി. ആര്‍, അഡ്വെര്‍ടൈസിങ്, വീഡിയോഗ്രാഫി, വീഡിയോ എഡിറ്റിംഗ് തുടങ്ങിയവയിലാണ് പരിശീലനം .ഡിസംബര്‍ 24 വരെ അപേക്ഷിക്കാം. ഫോണ്‍: 9544958182, 0471 2325154
വനിതാ കമ്മിഷന്‍ അദാലത്ത് 30ന് തിരുവല്ലയില്‍
കേരള വനിതാ കമ്മിഷന്‍ സംഘടിപ്പിക്കുന്ന ജില്ലാ അദാലത്ത് ഡിസംബര്‍ 30ന് രാവിലെ 10 മുതല്‍ തിരുവല്ല മാമന്‍ മത്തായി നഗര്‍ ഹാളില്‍ നടക്കും.
കണ്‍സ്യൂമര്‍ ഫെഡ് വിപണി ഉദ്ഘാടനം 23 ന്
കണ്‍സ്യൂമര്‍ ഫെഡ് സംഘടിപ്പിക്കുന്ന ക്രിസ്തുമസ് പുതുവത്സര വിപണിയുടെ ജില്ലാതല ഉദ്ഘാടനം ഡിസംബര്‍ 23 ന് രാവിലെ 11 ന് പത്തനംതിട്ട ത്രിവേണി സൂപ്പര്‍മാര്‍ക്കറ്റില്‍ ജില്ലാപഞ്ചായത്ത് പ്രസിഡന്റ് രാജി പി രാജപ്പന്‍ നിര്‍വഹിക്കും. 13 ഇനം നിത്യോപയോഗ സാധനങ്ങള്‍ സബ്‌സിഡി നിരക്കിലും മറ്റ് ഉല്‍പന്നങ്ങള്‍ 15 മുതല്‍ 30 ശതമാനം വരെ വിലകുറവിലും ലഭിക്കും.
കയര്‍ഫെഡ് മെഗാഫെയര്‍
കോന്നി കയര്‍ഫെഡ് ഷോറൂമില്‍ ക്രിസ്തുമസ്-ന്യൂഇയര്‍ കയര്‍ ഷോപ്പി പ്രദര്‍ശനവും വില്‍പ്പനയും ആരംഭിച്ചു. 2025 ജനുവരി 31വരെയാണ് ഫെയര്‍. മെത്തകള്‍ വാങ്ങുമ്പോള്‍ 35 ശതമാനം മുതല്‍ 50 ശതമാനം വരെ വിലകുറവും, ബെഡ്ഷീറ്റ്, തലയിണ, ഡോര്‍മാറ്റ്, റോള്‍അപ്പ് സ്റ്റാന്‍ഡേര്‍ഡ് മെത്ത തുടങ്ങിയ സമ്മാനങ്ങളും ലഭിക്കും. കയര്‍ ഉല്‍പന്നങ്ങള്‍ക്ക് 20 ശതമാനം വരെ ഡിസ്‌കൗണ്ടും സര്‍ക്കാര്‍, അര്‍ധസര്‍ക്കാര്‍ ജീവനക്കാര്‍, പൊതുമേഖലാസ്ഥാപനങ്ങള്‍, സഹകരണമേഖല, അധ്യാപകര്‍, മാധ്യമപ്രവര്‍ത്തകര്‍ എന്നിവര്‍ക്കുള്ള പ്രത്യേക ഡിസ്‌കൗണ്ടുകളും, സര്‍ക്കാര്‍, അര്‍ധസര്‍ക്കാര്‍ ജീവനക്കാര്‍ക്ക് പലിശരഹിത തവണകളായി പണമടച്ച് മെത്തകളും, കയര്‍ ഉല്‍പന്നങ്ങളും വാങ്ങുന്നതിനുള്ള സൗകര്യവും ഉണ്ട്.
സ്‌പെഷ്യല്‍ റിവാര്‍ഡ്
കേരള മോട്ടര്‍ തൊഴിലാളി ക്ഷേമനിധി പദ്ധതി അംഗങ്ങളുടെ മക്കള്‍ക്ക് സംസ്ഥാന -ദേശീയ തലത്തില്‍ കലാകായിക അക്കാദമിക് രംഗത്തെ മികവിന് സ്‌പെഷ്യല്‍ റിവാര്‍ഡിന് അപേക്ഷ ക്ഷണിച്ചു. അവസാന തീയതി ഡിസംബര്‍ 31. ഫോണ്‍ : 0468 2320158.
ലാപ് ടോപ്പ് വിതരണം
കേരള മോട്ടര്‍ തൊഴിലാളി ക്ഷേമനിധി പദ്ധതി അംഗങ്ങളുടെ പ്രൊഫഷണല്‍ കോഴ്‌സിന് പ്രവേശന പരീക്ഷയിലൂടെ മെറിറ്റില്‍ പ്രവേശനം ലഭിച്ച് പഠിച്ചുകൊണ്ടിരിക്കുന്ന കുട്ടികള്‍ക്ക് സൗജന്യമായിലാപ് ടോപ്പ് വിതരണം ചെയ്യുന്നതിന് അപേക്ഷ ക്ഷണിച്ചു. അവസാന തീയതി ഡിസംബര്‍ 31. www.kmtwwfb.org വെബ്‌സൈറ്റില്‍ അപേക്ഷാ ഫോം ലഭിക്കും. ഫോണ്‍ : 0468 2320158.
നൈപുണ്യ പരിശീലന കോഴ്‌സുകള്‍
അസാപ് കേരളയുമായി സഹകരിച്ചു പട്ടികജാതി വികസന വകുപ്പ് നടത്തുന്ന ആര്‍ട്ടിഫിഷ്യല്‍ ഇന്റലിജന്‍സ് , ബിസിനസ് അനലിറ്റിക്‌സ് നൈപുണ്യ പരിശീലന കോഴ്‌സുകളിലേക്ക് പട്ടികജാതി വനിതകള്‍ക്ക് അപേക്ഷിക്കാം. പ്രായപരിധി: 18 മുതല്‍ 35 വയസ് വരെ. അവസാന തീയതി 2025 ജനുവരി 15. ജില്ലയുടെ പരിധിയിലുള്ള പഞ്ചായത്തുകളില്‍ സ്ഥിരതാമസമുള്ളവര്‍ക്കാണ് അവസരം. ഫോണ്‍ -0468 2322712.
അഡീഷണല്‍ സ്ട്രിപ്പ് ലഭിക്കും
ജില്ലാ സാമൂഹ്യ നീതി ഓഫീസ് മുഖേന മുന്‍ വര്‍ഷങ്ങളില്‍ സൗജന്യമായി ഗ്ലൂക്കോമീറ്റര്‍ ലഭിച്ച ഗുണഭോക്താക്കള്‍ക്ക് അഡീഷണല്‍ സ്ട്രിപ്പിന് സുനീതി പോര്‍ട്ടല്‍ (www.sjd.kerala.gov.in )
അപേക്ഷിക്കാം. ഫോണ്‍ : 04682325168.
എമര്‍ജന്‍സി റെസ്‌പോണ്‍സ് ടീം അംഗങ്ങള്‍ക്ക് പരിശീലനം നല്‍കി
റീബില്‍ഡ് കേരള ഇനിഷ്യേറ്റീവ് പദ്ധതി പ്രകാരം കാലാവസ്ഥ വ്യതിയാന പ്രാദേശിക കര്‍മ്മ പദ്ധതിയും ദുരന്തനിവാരണ പദ്ധതിയും തയ്യാറാക്കിയിട്ടുള്ള പത്തനംതിട്ട, ഇടുക്കി ,കോട്ടയം, ആലപ്പുഴ, ജില്ലകളിലെ ഗ്രാമപഞ്ചായത്തുകള്‍ രൂപീകരിച്ചിട്ടുള്ള എമര്‍ജന്‍സി റെസ്‌പോണ്‍സ് ടീം അംഗങ്ങള്‍ക്ക് ദുരന്ത പ്രതിരോധ പരിശീലനം നല്‍കി. ജില്ലയിലെ ആദ്യത്തെ പരിശീലന പരിപാടി ആയിരുന്നു വെച്ചൂച്ചിറയില്‍ നടന്നത്. മുന്നറിയിപ്പ് ടീം, അന്വേഷണ രക്ഷാപ്രവര്‍ത്തന ഒഴിപ്പിക്കല്‍ ടീം, ഷെല്‍ട്ടര്‍ മാനേജ്‌മെന്റ് ടീം, പ്രഥമ ശുശ്രൂഷ ബേസിക് ലൈഫ് സപ്പോര്‍ട്ട് ടീം, സന്നദ്ധ പ്രവര്‍ത്തകരുടെ ടീം, എന്നീ വിഭാഗങ്ങളില്‍ 100 പേരടങ്ങുന്ന സേന രൂപീകരിച്ചു. പരിശീലന പരിപാടി ഗ്രാമപഞ്ചായത്ത് പ്രസിഡന്റ് ടി. കെ ജെയിംസ് ഉദ്ഘാടനം ചെയ്തു. വികസന സ്റ്റാന്‍ഡിങ് കമ്മിറ്റി ചെയര്‍മാന്‍ ഇ വി വര്‍ക്കി അധ്യക്ഷനായി.
സ്‌കോളര്‍ഷിപ്പ്
കേരള മോട്ടര്‍ തൊഴിലാളി ക്ഷേമനിധി പദ്ധതിയില്‍ 2024 മാര്‍ച്ച് 31 വരെ അംഗത്വം എടുത്തിട്ടുളളവരുടെ എട്ടാം ക്ലാസ് മുതല്‍ പ്രൊഫഷണല്‍ കോഴ്‌സിന് പഠിക്കുന്ന കുട്ടികള്‍ക്ക് വിദ്യാഭ്യാസ സ്‌കോളര്‍ഷിപ്പിന് അപേക്ഷ ക്ഷണിച്ചു. എട്ട്, ഒമ്പത്, 10 ക്ലാസുകള്‍ ഒഴികെ മറ്റ് ഉയര്‍ന്ന ക്ലാസുകളിലേക്ക് സ്‌കോളര്‍ഷിപ്പ് അനുവദിക്കുന്നതിന് യോഗ്യത പരീക്ഷയ്ക്ക് കുറഞ്ഞത് 50 ശതമാനം മാര്‍ക്കോ തത്തുല്യ ഗ്രേഡോ ലഭിച്ചിരിക്കണം. പ്രൊഫഷണല്‍ കോഴ്‌സിന് പഠിക്കുന്ന കുട്ടികള്‍ സര്‍ക്കാര്‍ നിശ്ചയിച്ച യോഗ്യതപരീക്ഷയില്‍ മെറിറ്റില്‍ പ്രവേശനം ലഭിച്ചവര്‍ ആയിരിക്കണം. അവസാന തീയതി ഡിസംബര്‍ 31. www.kmtwwfb.org വെബ്‌സൈറ്റിലും ജില്ലാ ഓഫീസിലും അപേക്ഷാഫോം ലഭിക്കും. ഫോണ്‍ : 0468 2320158.