konnivartha.com: സാമൂഹിക പ്രവർത്തക ഡോ .എം .എസ്. സുനിൽ ഭവനരഹിതരായ നിരാലമ്പർക്ക് പണിത് നൽകുന്ന 289 -മത് സ്നേഹഭവനം വായ്പൂർ പെരുവല്ലൂർ ഗീതക്കും ഉണ്ണികൃഷ്ണനുമായി വിദേശ മലയാളിയായ മാത്യു ജോസഫിന്റെ സഹായത്താൽ നിർമ്മിച്ചു നൽകി .
വീടിൻറെ താക്കോൽദാനവും ഉദ്ഘാടനവും മാത്യുവിന്റെ ബന്ധുവായ ഡോ. സിജിൻ ജോസ് നിർവഹിച്ചു. വർഷങ്ങളായി സ്വന്തമായി വീടോ സ്ഥലമോ ഇല്ലാതെ യാതൊരു നിവൃത്തിയുമില്ലാത്ത അവസ്ഥയിൽ കഴിയുകയായിരുന്നു ഗീതയും ഭർത്താവ് ഉണ്ണികൃഷ്ണനും .
ഇവരുടെ അവസ്ഥ മനസ്സിലാക്കിയ മാത്യൂസ് ഇവർക്കായി നാല് സെൻറ് സ്ഥലം വാങ്ങി നൽകുകയും ടീച്ചർ ഇവർക്കായി അടച്ചുറപ്പുള്ള ഒരു വീട് നിർമ്മിച്ചു നൽകുകയും ആയിരുന്നു. ചടങ്ങിൽ വാർഡ് മെമ്പർ അഞ്ചു സദാനന്ദൻ., പന്ത്രണ്ടാം വാർഡ് മെമ്പർ വിജയമ്മ സി .ആർ., പ്രൊജക്റ്റ് കോഡിനേറ്റർ കെ. പി .ജയലാൽ .,സിയാദ് എന്നിവർ പ്രസംഗിച്ചു.