konnivartha.com : കോന്നിയില്‍ ഓട്ടത്തിന് ഇടയില്‍ ഓട്ടോ ഡ്രൈവര്‍ കുഴഞ്ഞു വീണു മരണപെട്ടു . ഓട്ടോ നിയന്ത്രണം വിട്ടു മറിഞ്ഞു . കോന്നി ചാങ്കൂര്‍ മുക്കിനു സമീപം ആണ് സംഭവം . കോന്നി മാങ്കുളം സുധീർ മൻസിൽ അബ്ദുല്‍ കരീം ( 65 )ആണ് മരണപെട്ടത്‌ .
ഓട്ടോ ഓടിക്കുന്നതിനു ഇടയില്‍ ദേഹാസ്വാസ്ഥ്യം ഉണ്ടായി . ഓട്ടോ നിയന്ത്രണം വിട്ടു മറിയുകയും ചെയ്തു .തലയ്ക്ക് ഗുരുതരമായി പരിക്ക് പറ്റി .വാരിയെല്ലുകള്‍ തകര്‍ന്നു ശ്വാന നാളിയില്‍ തറച്ചു .കോന്നി താലൂക്ക് ആശുപത്രിയില്‍ എത്തിച്ചു എങ്കിലും മരണപ്പെട്ടു .
കോന്നിയില്‍ നിന്നും അട്ടച്ചാക്കലിലേക്ക് ഓട്ടം പോയി വന്നപ്പോള്‍ രണ്ടു യാത്രികരും ഉണ്ടായിരുന്നു .അവര്‍ക്ക് പരിക്ക് ഇല്ല .കോന്നി പോലീസ് മേല്‍ നടപടികള്‍ സ്വീകരിച്ചു .