മൂഴിയാര്‍ പോലീസ് സ്റ്റേഷന്റെ പുതിയ കെട്ടിടത്തിന്റെ നിര്‍മാണ ഉദ്ഘാടനം മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിച്ചു. മൂഴിയാര്‍ പോലീസ് സ്റ്റേഷന് പുതിയ കെട്ടിടം നിര്‍മിക്കുന്നത് കൊച്ചാണ്ടി ഫോറസ്റ്റ് ചെക്ക് പോസ്റ്റിന് സമീപം സര്‍ക്കാര്‍ അനുവദിച്ച വസ്തുവിലാണ്.
ചടങ്ങില്‍ സംസ്ഥാന പോലീസ് മേധാവി അനില്‍ കാന്ത്, എഡിജിപി (ക്രമസമാധാനം) വിജയ് എസ് സാഖറേ, ഐജിപി (സൗത്ത് സോണ്‍)പി. പ്രകാശ്, ഡിഐജി തിരുവനന്തപുരം റേഞ്ച് ആര്‍. നിശാന്തിനി എന്നിവര്‍ ഓണ്‍ലൈനായി പങ്കെടുത്തു. മുഖ്യപ്രഭാഷണവും ഫലകം അനാച്ഛാദനവും സീതത്തോട് പഞ്ചായത്ത് പ്രസിഡന്റ് ജോബി ടി ഈശോ നിര്‍വഹിച്ചു. ജില്ലാ പഞ്ചായത്ത് അംഗം ലേഖ സുരേഷ് അധ്യക്ഷത വഹിച്ചു. കോന്നി ഡിവൈഎസ്പി കെ. ബൈജുകുമാര്‍ സ്വാഗതം പറഞ്ഞു. ബ്ലോക്ക് പഞ്ചായത്ത് വൈസ് പ്രസിഡന്റ് പി.എസ്. സുജ, വാര്‍ഡ് അംഗം ശ്രീജ അനില്‍, പോലീസ് ഓഫീസേഴ്‌സ് അസോസിയേഷന്‍ സംസ്ഥാന നിര്‍വാഹക സമിതി അംഗം കെ.ജി. സദാശിവന്‍, പോലീസ് അസോസിയേഷന്‍ ജില്ലാ ട്രഷറര്‍ ആര്‍.സി. രാജേഷ്, മൂഴിയാര്‍ എസ്എച്ച്ഒ കെ.എസ്. ഗോപകുമാര്‍ എന്നിവര്‍ സംസാരിച്ചു.
പുളിക്കീഴ് പോലീസ് സ്റ്റേഷന്റെ പുതിയ കെട്ടിടത്തിന്റെ നിര്‍മാണ ഉദ്ഘാടനം മുഖ്യമന്ത്രി നിര്‍വഹിച്ചു
പുളിക്കീഴ് പോലീസ് സ്റ്റേഷന്റെ പുതിയ കെട്ടിടത്തിന്റെ നിര്‍മാണ ഉദ്ഘാടനം മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിച്ചു. യോഗത്തില്‍ അധ്യക്ഷത വഹിച്ച അഡ്വ. മാത്യു ടി തോമസ് എംഎല്‍എ ശിലാഫലകം അനാച്ഛാദനം ചെയ്തു. പുളിക്കീഴ് പോലീസ് സ്റ്റേഷന്റെ പുതിയ കെട്ടിടം ആലുംതുരുത്തി മുത്താരമ്മന്‍ കോവിലിനു എതിര്‍വശത്ത് സര്‍ക്കാര്‍ അനുവദിച്ച വസ്തുവിലാണ് നിര്‍മിക്കുന്നത്.
ചടങ്ങില്‍ സംസ്ഥാന പോലീസ് മേധാവി അനില്‍ കാന്ത്, എഡിജിപി (ക്രമസമാധാനം) വിജയ് എസ് സാഖറേ, ഐജിപി (സൗത്ത് സോണ്‍)പി. പ്രകാശ്, ഡിഐജി തിരുവനന്തപുരം റേഞ്ച് ആര്‍. നിശാന്തിനി എന്നിവര്‍ ഓണ്‍ലൈനായി പങ്കെടുത്തു. തിരുവല്ല ഡിവൈഎസ്പി ടി. രാജപ്പന്‍ സ്വാഗതം പറഞ്ഞു. ബ്ലോക്ക് പഞ്ചായത്ത് പ്രസിഡന്റ് ചന്ദ്രലേഖ, കടപ്ര പഞ്ചായത്ത് പ്രസിഡന്റ് നിഷാ അശോകന്‍, വാര്‍ഡ് അംഗം ഷാജി മാത്യു, വിവിധ രാഷ്ട്രീയ സംഘടനാ നേതാക്കളായ അഡ്വ. സനല്‍ കുമാര്‍, പ്രൊഫ. സതീഷ് കൊച്ചുപറമ്പില്‍, അഡ്വ. ഫ്രാന്‍സിസ് വി ആന്റണി, വിജയകുമാര്‍ മണിപ്പുഴ, അഡ്വ. രതീഷ്, അലക്‌സ് മണപ്പുറം, സജി അലക്‌സ്, അഡ്വ. എം.ബി. നൈനാന്‍, രാജു പുളിമ്പള്ളില്‍, പോലീസ് ഓഫീസേഴ്‌സ് അസോസിയേഷന്‍ ജില്ലാ പ്രസിഡന്റ് ബി.എസ്. ശ്രീജിത്ത്, പോലീസ് അസോസിയേഷന്‍ സംസ്ഥാന നിര്‍വാഹക സമിതി അംഗം ടി.എന്‍. അനീഷ്, പുളിക്കീഴ് എസ്എച്ച്ഒ ഇ.ഡി. ബിജു എന്നിവര്‍ സംസാരിച്ചു.