കോന്നി വാര്‍ത്ത ഡോട്ട് കോം : അരുവാപ്പുലം പഞ്ചായത്തിലെ ആവണിപ്പാറ ഗിരി വര്‍ഗ്ഗ കോളനി ഒറ്റപ്പെട്ടു . ഒറ്റ ദിവസം മഴ പെയ്തതോടെ അച്ചന്‍ കോവില്‍ നദി കര കവിഞ്ഞു ഒഴുകി . അച്ചന്‍ കോവില്‍ നദിയ്ക്ക് അക്കരെ ഉള്ള ആവണിപ്പാറയില്‍ ഉള്ള ജനത്തിന് അക്കരെ ഇക്കരെ കടക്കണം എങ്കില്‍ ഇന്നും ഒരു വള്ളം മാത്രം . പാലം അനുവദിക്കും എന്നു പറഞ്ഞു കേള്‍ക്കാന്‍ തുടങ്ങിയിട്ടു നാളുകള്‍ ഏറെ ആയി . എങ്ങും എത്തിയില്ല ഈ സ്വപ്നം .
നദിയിലെ ജല നിരപ്പ് ഉയരുമ്പോള്‍ ഒറ്റപ്പെടുന്ന കോന്നിയിലെ പ്രധാന സ്ഥലമാണ് ആവണിപ്പാറ . മറ്റൊരു സ്ഥലം കല്ലേലി -കൊക്കാത്തോട് ആണ് .
കല്ലേലി വയക്കരയിലെ ചപ്പാത്തില്‍ വെള്ളം കയറിയാല്‍ പിന്നെ യാത്ര ദുഷ്കരം ആണ് . ഇവിടെ റോഡ് ഉയര്‍ത്തി എങ്കില്‍ മാത്രമേ കൊക്കാത്തോട് നിവാസികള്‍ക്ക് പ്രയോജനം ലഭിക്കൂ . വയക്കര ചപ്പാത്ത് പ്രദേശം തോടും ആറും ചേര്‍ന്ന സ്ഥലമാണ് . ഒരു ദിവസം തുടര്‍ച്ചയായി മഴ പെയ്താല്‍ ഇവിടെയും മുങ്ങും . ഈ രണ്ടു സ്ഥലത്തെയും “ഒറ്റപ്പെടലിന് “പരിഹാരം കാണണം . ആവണിപ്പാറയില്‍ പാലവും വയക്കരയില്‍ റോഡ് ഉയര്‍ത്തുകയും വേണം .
മനോജ് പുളിവേലില്‍ @കോന്നി വാര്‍ത്ത