കോന്നി വാര്‍ത്ത ഡോട്ട് കോം : അരുവാപ്പുലം പഞ്ചായത്തിലെ പതിനാലാം വാര്‍ഡിലെ ഐരവണ്‍ ചവിണിക്കോടില്‍ വീടിന് മുകളിലേക്ക് മരം വീണ് വീട് പൂര്‍ണ്ണമായും തകര്‍ന്നു . വീട്ടില്‍ ഉറങ്ങിക്കിടന്ന ആളിന് പരിക്ക് പറ്റി .
ഐരവണ്‍ ചവിണിക്കോട് വടക്കേടത്ത് മുരുപ്പേല്‍ അബ്രഹാം വര്‍ഗീസിന്‍റെ വീടിന് മുകളിലേക്ക് സമീപ പറമ്പില്‍ നിന്ന തേക്ക് മരമാണ് ഒടിഞ്ഞു വീണത് . ഇന്നലെ രാത്രി 11 മണിയോടെ ആണ് സംഭവം . കാറ്റിലും മഴയിലും തേക്ക് മരം ഒടിഞ്ഞു വീടിന് മുകളിലേക്ക് വീഴുകയായിരുന്നു . വീട്ടില്‍ ഉണ്ടായിരുന്ന അബ്രഹാം വര്‍ഗീസിന്‍റെ മകന്‍ പ്രിന്‍സ് അബ്രഹാ (22 ) മിന്‍റെ തലയ്ക്ക് പരിക്ക് പറ്റി . കോന്നി താലൂക്ക് ആശുപത്രിയില്‍ ചികില്‍സ തേടി . തലയ്ക്ക് നാല് കുത്തികെട്ട് ഉണ്ട് .വീട്ടില്‍ ഉണ്ടായിരുന്ന മറ്റുള്ളവര്‍ അത്ഭുതകരമായി രക്ഷപെട്ടു .