കോന്നി വാര്‍ത്ത ഡോട്ട് കോം : തദ്ദേശ സ്വയംഭരണ സ്ഥാപനങ്ങളിലെ പൊതുതിരഞ്ഞെടുപ്പുമായി ബന്ധപ്പെട്ട് ജില്ലയിലെ പോളിംഗ് ഉദ്യോഗസ്ഥര്‍ക്കുളള നിയമനം പൂര്‍ത്തിയായി. ബന്ധപ്പെട്ട തദ്ദേശ സ്വയംഭരണ സ്ഥാപനങ്ങള്‍, സ്ഥാപന മേധാവികള്‍ വഴി ഉദ്യോഗസ്ഥര്‍ക്ക് നിയമന ഉത്തരവ് നല്‍കണം.
നവംബര്‍ 30 മുതല്‍ പരിശീലന പരിപാടികള്‍ ആരംഭിക്കും. നിശ്ചിത സമയപരിധിക്കുളളില്‍ നിയമന ഉത്തരവ് ഉദ്യോഗസ്ഥര്‍ക്ക് ലഭിക്കുന്നു എന്ന് ഉറപ്പു വരുത്തുന്നതിന് നവംബര്‍ 27നും 28നും ജില്ലയിലെ എല്ലാ സര്‍ക്കാര്‍ / അര്‍ധ സര്‍ക്കാര്‍ സ്ഥാപനങ്ങളും സ്‌കൂള്‍ ഓഫീസുകളും തുറന്നു പ്രവര്‍ത്തിക്കുകയും നിയമന ഉത്തരവ് ബന്ധപ്പെട്ട ഉദ്യോഗസ്ഥര്‍ക്ക് നല്‍കണമെന്നും അഡീഷണല്‍ ജില്ലാ മജിസ്‌ട്രേട്ട് അലക്‌സ് പി തോമസ് അറിയിച്ചു.