നൂറിലധികം കവർച്ച കേസുകളിലെ പ്രതി കണ്ണൂരിൽ പിടിയിൽ. ആലപ്പുഴ ചെന്നിത്തല സ്വദേശിയായ തീപ്പൊരി പ്രസാദാണ് അറസ്റ്റിലായത്.കണ്ണൂർ ടൗൺ ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിൽ എസ് ഐ വി വി ദീപ്തിയാണ് പ്രതിയെ അറസ്റ്റ് ചെയ്‌തത്.
സംസ്ഥാനത്തിൻ്റെ വിവിധ ഭാഗങ്ങളിലെ കവർച്ച കേസ് പ്രതിയാണ്. പഴയ ബസ് സ്റ്റാൻ്റ് ഭാഗത്ത് പട്രോളിങ്ങിനിടയിൽ സംശയകരമായ സാഹചര്യത്തിൽ കണ്ടതിനെ തുടർന്നാണ് പ്രസാദിനെ പിടികൂടിയത്.